1~Juan 3:17 - CHUYA QELLQA La Biblia en Quechua de Ayacucho 2012

¹⁷ Pipas kapuq-niyuq kachkaspan runamasinta imamantapas muchuqta qawakunman hinaspa imallantapas mana qoykuqqa, ¿yaqachum Diosta kuyanman?

Quechua Ayacucho Bible 1987

¹⁷ Pipas kapuqniyoq kachkaspan runamasinta qawakunman imamantapas muchuqta hinaspa mana llakipayarispanqa ¿yaqachum Diosta kuyanman?

Chuya Qellqa 1992

¹⁷ Pipas kapuqniyuq kachkaspan runamasinta imamantapas muchuqta qawakunman hinaspa imallantapas mana qoykuqqa ¿yaqachum Diosta kuyanman?

1~Juan 3:17 Iomraidhean Croise

Proverbios 12:10

Allin ruwaq runaqa uywankunatapas nanachikunmi, mana allin runam ichaqa mana llakipayanchu.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Proverbios 21:13

Wakchakunapa qayakuyninta mana uyariq runaqa, yanapakuyta mañakuspapas manam uyarisqachu kanqa.

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Lucas 3:11

Juanñataq nirqa: Pipapas iskay camisaykichik kaptinqa huknintayá mana camisayuqman qoychik. Mikunayuq kaqkunapas chaynatayá ruwaychik, nispan.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

Santiago 2:15

Sichum wawqe otaq huk panipas mana pachayuqña kanman, ichaqa manataq chay punchawpi mikunanpaqpas imanpas kanmanchu,

Santiago 2:16

hinaptinñataq hukkaqnikichik ninman: “Hawkalla rispayki mikumuy hinaspa qonikamuy”, nispa. Ichaqa imapas necesitasqanta mana qoykuptinqa, ¿imapaq serviqtaq chay nisqanqa kanman?

1~Juan 4:20

Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.