1~Juan 2:8 - CHUYA QELLQA La Biblia en Quechua de Ayacucho 2012

⁸ Chaywanpas, kay qellqamusqayqa musoq kamachikuymi, kayqa cheqapmi Cristopipas chaynataq qamkunapipas, tutayaymi pasachkanña cheqap achkiyñataqmi kanchaykamuchkanña.

Quechua Ayacucho Bible 1987

⁸ Cristopi hinaspa qamkunapi cheqap kaptinpas kay qellqamusqayqa mosoq kamachikuymi, tutayay chinkaptinmi cheqap achkiyña rikurimuchkan.

Chuya Qellqa 1992

⁸ Chaywanpas, kay qellqamusqayqa musoq kamachikuymi, kayqa cheqapmi Cristopipas chaynataq qamkunapipas, tutayaymi pasachkanña cheqap achkiyñataqmi kanchaykamuchkanña.

1~Juan 2:8 Iomraidhean Croise

Isaías 9:2

Tutayaypi kawsaqkunam hatun achkiyta rikuykunku, llumpay tutayaypi yachaqkunamanmi achkiy kanchariykun.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.

Juan 1:9

Llapa runakunata kanchariq cheqap achkiymi kay pachaman hamurqa.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 12:46

Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Juan 13:34

Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

2~Timoteo 1:10

Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

1~Juan 4:11

Kuyasqallaykuna, sichum Diosnin-chik kuyawachkaptinchikqa, ñoqan-chikpas chaynatam kuyanakunanchik.

1~Juan 4:21

Jesucristom kaynata kamachi-warqanchik: “Diosta kuyaqqa runamasintapas kuyachunyá”, nispa.