1~Juan 2:6 - CHUYA QELLQA La Biblia en Quechua de Ayacucho 2012

⁶ “Dioswanmi hukllaña kachkani” niqqa Jesucristopa kawsasqanman hinam purinan.

Quechua Ayacucho Bible 1987

⁶ “Dioswanmi hukllaña kachkani” niqqa Jesucristopa kawsasqanman hinam kawsanan.

Chuya Qellqa 1992

⁶ “Dioswanmi hukllaña kachkani” niqqa Jesucristopa kawsasqanman hinam purinan.

1~Juan 2:6 Iomraidhean Croise

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Juan 13:15

Ejem-plotam qamkunaman qoykichik qamkunawan ruwasqayta hina qamkunapas ruwanaykichikpaq.

Juan 15:10

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

1~Corintios 11:1

Imaynam ñoqapas Cristopa ruwas-qanta hina ruwani, chaynayá qamkunapas ñoqapa ruwasqayta hina ruwaychik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

1~Pedro 2:21

Chaypaqmi Diosqa qayasurqankichik, Cristopas qamkunaraykum ñakarirqa, chaynapi paypa ejemplonta qatinaykichikpaq.

1~Juan 2:28

Churillaykuna, kunanqa Jesucris-topiyá takyaychik chaynapi pay kutimuptin penqakuymanta ama ayqenanchikpaq.

1~Juan 2:4

Pipas: “Ñoqaqa Diosta reqsinim” nichkaspan, kamachikuyninkunata mana kasukuspanqa llullakuchkanmi, paypiqa cheqap kaqqa manam kanchu.

1~Juan 3:24

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.

1~Juan 3:6

Pipas paypi takyaqqa manam huchallikunñachu. Pipas huchallikuqqa manam paytaqa rikunraqchu nitaqmi reqsinraqchu.

1~Juan 4:17

Chaynatam ñoqanchikpi qawachikun Diospa kuyakuynin, juicio punchawpi confianzawan kananchikpaq, imaynam Jesucristo chaynam ñoqanchikpas kay pachapi kanchik.