1~Juan 2:29 - CHUYA QELLQA La Biblia en Quechua de Ayacucho 2012

²⁹ Jesucristoqa allinkuna ruwaq kasqanta yachaspaykichikqa, qamkunapas yachaychiktaqyá haykam allinkuna ruwaqkunaqa Jesucristomanta nacesqaña kasqankuta.

Quechua Ayacucho Bible 1987

²⁹ Mana huchayoq kasqanta yachaspaykichikqa yachaytam debenkichik pipas allin ruraqqa Diospa churinña kasqantapas.

Chuya Qellqa 1992

²⁹ Jesucristoqa allinkuna ruwaq kasqanta yachaspaykichikqa, qamkunapas yachaychiktaqyá haykam allinkuna ruwaqkunaqa Jesucristomanta nacesqaña kasqankuta.

1~Juan 2:29 Iomraidhean Croise

Jeremías 13:23

¿Yaqachu yana runa yana kayninmanta tikrakurunman? ¿Yaqachu leopardo atinman muru pelon cambiaruyta? Chaynam huchaman qokuruq runapas, allinkuna ruwaytaqa mana atinmanchu.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Juan 1:13

Paykunaqa manam nacerqaku yawarmantachu, manataqmi aychaman hinachu, nitaqmi runapa munasqanman hinachu, aswanqa Diosmantam.

Juan 7:18

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

Hechos 10:35

payqa may nacionmanta kaptinpas chaskinmi kasukuspa allin ruwaq runakunataqa.

Hechos 22:14

Hinaptinmi pay niwarqa: “Ñawpaq taytanchikkunapa Diosninmi akllasurqanki paypa munasqanta yachanaykipaq, hinaspa justo kaq Jesusta rikuruspayki kikinpa vozninta uyarinaykipaq.

Hechos 3:14

Jesusqa Chuya hinaspa justo kachkaptinmi Pilato libraykunanta harkakuspa runa wañuchiq runataraq kacharinanpaq mañakurqankichik.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Hebreos 7:2

Abrahampas peleamuspan llapa qechumusqankunamantam diezmota Melquisedecman qorqa. Melquisedec ninanqa “allin arregloman hina munaychakuq”, ninanmi. Salempi rey ninanñataqmi “hawkayachiq rey” ninan.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

1~Pedro 1:23

Qamkunaqa musoqmantam nacerqankichik, ichaqa manam wañuq tayta-mamamantachu, aswanqa Diospa kawsaq hinaspa takyaq palabranmantam.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

2~Pedro 1:4

Chaynintakamam ancha valorniyuq hatun promesankunata qowarqanchik, chaynapi Dioswan huklla kananchikpaq hinaspa kay pachapi mana allin ruway munasqanchikmanta ayqenanchikpaq.

1~Juan 2:1

Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

1~Juan 4:7

Kuyasqallaykuna, kuyanakusunchikyá, kuyakuyqa Diosmantam hamun. Pipas kuyakuqqa Diospa churinmi, payqa Diostam reqsin.

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.

1~Juan 5:18

Yachanchikmi haykam Diosmanta naceqkunaqa manaña huchallikuq kasqanta, Diospa Churin Jesucristo waqaychaptinmi diablopas manaña imananchu.

1~Juan 5:4

haykam Diosmanta naceqkunaqa kay pachapi mana allin kaqkunataqa vencerunñam. Iñiyninchikmi kay pachapi mana allin kaqkunata vencerachiwanchik.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.