1~Juan 2:24 - CHUYA QELLQA La Biblia en Quechua de Ayacucho 2012

²⁴ Chaynaqa, ñawpaqmantaraq uyaris-qaykichik Diospa palabrantayá sonqoy-kichikpi takyachiychik. Sichum ñaw-paqmantaraq uyarisqaykichikkunata sonqoykichikpi waqaychaspaqa, Churin Jesucristopipas hinaspa Dios Taytapipas takyankichikmi.

Quechua Ayacucho Bible 1987

²⁴ Chaynaqa ñawpaqmantapuni uyarisqaykichik Diospa palabrantayá sonqoykichikpi takyachiychik. Sichum ñawpaqmantapuni uyarisqaykichikkunata sonqoykichikpi takyachispaykichikqa qamkunapas takyankichikmi Diospa Churin Jesucristopi hinaspa Dios Taytapi.

Chuya Qellqa 1992

²⁴ Chaynaqa, ñawpaqmantaraq uyarisqaykichik Diospa palabrantayá sonqoykichikpi takyachiychik. Sichum ñawpaqmantaraq uyarisqaykichikkunata sonqoykichikpi waqaychaspaqa, Churin Jesucristopipas hinaspa Dios Taytapipas takyankichikmi.

1~Juan 2:24 Iomraidhean Croise

Proverbios 23:23

Cheqap kaqtawan yachayta rantiy, yachachikuytawan yuyayniyuq kayta rantiy, hinaspa ama rantikuychu.

Lucas 9:44

Allintayá uyariychik: Runapa Chu-rinqa runakunapa makinman entregasqam kanqa, nispa.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Juan 15:7

Sichum ñoqapi takyaspaykichik chaynataq palabraykunapas qamkunapi takyaptinqa, tukuy ima munasqaykichikta mañakuychik, hinaptinqa qosunkichikmi.

Juan 6:56

Aychay mikuqqa hinaspa yawarniy tomaqqa ñoqapim kachkan, ñoqañataqmi paypi.

Juan 8:25

Hinaptinmi tapurqaku: Chaynaqa, ¿pitaq qamqa kanki? nispanku. Jesusñataqmi nirqa: Ñam puntamantaraq nirqaykichikña.

Filipenses 4:15

Yachasqaykichikpi hinapas Macedonia lawmanta lloqsispay Cristomanta allin noticiata chayraq willakuptiyqa Filipos llaqtapi yachaq iñiqmasiykunallam ofrendaykichikwan yanapaykuwarqankichik, chaytaqa ruwarqankichik willasqayman-ta graciasta qowaspaykichikmi.

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

1~Juan 2:7

Kuyasqay wawqe-panillaykuna, manam musoq kamachikuytachu qellqamuchkaykichikqa, aswanqa ñawpaqmantaraq chaskisqaykichik kamachikuykunallatam. Chay ñawpaq kamachikuyqa uyarisqaykichik Diospa palabranmi.

1~Juan 3:24

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.

1~Juan 4:13

Espiritun qowasqan-chikwanmi yachanchik Diospi takyas-qanchikta chaynataq paypas ñoqan-chikpi kasqanta

1~Juan 4:15

Jesucristoqa Diospa Churinmi nispa willakuqqa Diospim takyan, Diospas paypitaqmi takyan.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.

2~Juan 1:2

Kuyaykikuqa ñoqanchikpi cheqap kaq takyasqanraykum, chayqa wiña-wiñaypaqmi ñoqanchikwan kanqa.

2~Juan 1:9

Pantaruspa Jesucristopa yachachi-kuyninpi mana takyaq runapiqa Dios-qa manam kanchu. Jesucristopa yacha-chikuyninkunapi takyaq runapim ichaqa Dios Taytapas hinaspa Dios Churipas kachkan.

3~Juan 1:3

Cheqap yachachikuykunaman hina kawsasqaykimantam iñiqmasinchikkuna hamuspanku willawarqaku, chaymi llumpayta kusikurqani.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.