1~Juan 2:18 - CHUYA QELLQA La Biblia en Quechua de Ayacucho 2012

¹⁸ Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

Quechua Ayacucho Bible 1987

¹⁸ Wawqe-panillaykuna, ñam tukupay tiempopiña kachkancik. Anticristopa hamunanmantam uyarirqankichik, chaynam kunan rikuriramun achkallaña anticristokuna, chayraykum yachanchik tukupay tiempoña kasqanta.

Chuya Qellqa 1992

¹⁸ Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

1~Juan 2:18 Iomraidhean Croise

Mateo 24:11

Pantachikuq profetakunam achkallaña hatarinqaku, hinaspam achkaqta engañanqaku.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 24:5

Achkaqmi ñoqapa sutiypi hamunqaku: “Ñoqam Cristo kani” nispanku, hinaspam achkaqta pantachinqaku.

Marcos 13:6

Achkaqmi ñoqapa sutiypi hamunqaku: “Ñoqam Cristo kani” nispanku; chaynata rimaspankum achkaqta pantachinqaku.

Juan 21:5

Jesusmi nirqa: Qarikuna, ¿manachu challwa hapisqaykichik kan? nispa. Paykunañataqmi nirqaku: Manam kanchu, nispanku.

Romanos 13:11

Kaywanqa yachanchikmi ima tiempopim kawsasqanchikta, ñam rikcharinaykichik horaña. Cristoman iñisqanchik punchawmantam ña hichpamuchkanña salvaykuwananchikpaq punchaw.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

2~Pedro 2:1

Israel ukupiqa karqataqmi pan-tachikuq profetakunapas, chaynam qamkuna ukupipas pantay yachachi-kuqkuna kanqa. Paykunam mana musyachikuspalla pantay yachachi-kuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanan-kupaqmi.

2~Pedro 3:3

Tukuymanta llalliriqtaqa kaytayá yachaychik: Qepa punchawkunatam hamunqaku burlakuqkuna hinaspa aychankupa munasqallanpi purikuq runakuna,

1~Juan 2:22

¿Pitaq chay llullaqa? “Jesusqa manam Cristochu” niqmi llullaqa. Payqa anticristom, payqa neganmi Dios Taytatapas chaynataq churin Jesucristotapas.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

1~Juan 4:3

Jesucristota aychapi hamusqanta mana chaskiqqa manam Diospa Espiritunwanchu kachkan, payqa anticristopa espiritunwanmi kachkan. Chay anticristopa hamunanmantaqa ñam uyarirqankichikña, payqa kay pachapiñam kachkan.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

Judas 1:18

Paykunam kaynata nisurqankichik: Qepa punchawkunatam kanqa burlakuspa aychankupa munayninman hina tukuy rikchaq huchapi puriq runakuna.