1~Juan 2:11 - CHUYA QELLQA La Biblia en Quechua de Ayacucho 2012

¹¹ Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.

Quechua Ayacucho Bible 1987

¹¹ “Wawqenta cheqniq runaqa tutayaypiraqmi purichkan, payqa manam yachanchu mayman risqantapas huchankuna ñawsayarachisqanrayku.”

Chuya Qellqa 1992

¹¹ Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.

1~Juan 2:11 Iomraidhean Croise

2~Samuel 13:22

Absalonpas wawqen Amnontaqa manam imatapas nirqachu, ichaqa panin Tamarta abusasqanmantam cheqnikurqa.

Proverbios 4:19

Mana allin runakunapa ñanninmi ichaqa tutayay, paykunaqa manam yachankuchu imapim urmaruytapas.

Eclesiastés 2:14

Yachayniyuq runaqa ñawintam allinta kicharin, mana yachayniyuqmi ichaqa tutayaypi purin. Ichaqa iskayninkutam hina chaynallata imapas pasanqa.

Levítico 19:17

Runamasikitaqa amam sonqoykipiqa cheqninkichu, anyana kaptinqa anyaykunkim, huchallikusqanwan ama qampas huchallikurunaykipaq.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 12:40

Runakunatam Dios ñawsayarachirqa, paykunapa sonqontam rumiyachirqa, chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq, nispa.

2~Corintios 3:14

Paykunaqa manam entiendeyta atirqakuchu, kunanpas ñawpaq pactota leeptinkum yuyayninkuqa velowan tapasqa hina kachkan mana entiendenankupaq, chay tapaqninkuqa manaraqmi hurqosqaraqchu, chaytaqa Cristollam hurqonqa.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

2~Pedro 1:9

Pipas chaykunata mana ruwaspaqa ñawsa hina otaq mana ancha rikukuy atiq hinam kachkan, payqa ñawpaq huchankunamanta Jesucristopa mayllasqa kasqantapas qonqarunmi.

1~Juan 1:6

Sichum, paywanmi huklla kachkani nichkaspa tutayaypiraq kawsaspanchikqa llullakuchkanchikmi, manam cheqapman hinachu ruwachkanchik.

1~Juan 2:10

Pipas iñiqmasinta kuyaqmi ichaqa achkiypi purichkan, payqa manam iñiqmasintaqa imawanpas huchallichinmanchu.

1~Juan 2:9

Sichum pipas ninqa “Achkiypim kachkani” nispa, ichaqa runamasintañataq cheqninqa hinaspaqa tuta-yaypiraqmi purichkan.

1~Juan 3:15

Pipas iñiqmasinta cheqniqqa runa wañuchiqmi. Yachasqanchikpi hinapas runamasin wañuchiqqa manaraqmi wiñay kawsayniyuqchu.

1~Juan 4:20

Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.