1~Juan 2:1 - CHUYA QELLQA La Biblia en Quechua de Ayacucho 2012

¹ Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.

Quechua Ayacucho Bible 1987

¹ Churillaykuna, kaykunatam nimuykichik ama huchallikunaykichikpaq. Pipas huchallikuruptinqa Dios Taytanchikpa ñawpaqninpi rimarinanpaqmi kapuwachkanchik abogadonchik, payqa allin ruraq Jesucristom.

Chuya Qellqa 1992

¹ Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.

1~Juan 2:1 Iomraidhean Croise

Ezequiel 3:21

Sichum allin ruwaq runata mana huchallikunanpaq qaqchaptiki manaña huchallikunqachu hinaspaqa qaqchasqaykiraykum kawsanqa, hinaptinqa qampas mana huchayuqmi kanki, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 13:33

Churillaykuna, manam unayñachu qamkunawanqa kasaq, chaymi maskawankichik. Imaynam judiokunaman nisqayta hinallam qamkunatapas nikichik: Ñoqapa risqaytaqa qamkunaqa manam riyta atiwaqchikchu, nispa.

Juan 14:16

Hinaptinqa mañakusaqmi Taytata huk kallpanchaqnikichikta kachamusunaykichikpaq. Paymi qamkunawan tukuy tiempo kanqa.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 21:5

Jesusmi nirqa: Qarikuna, ¿manachu challwa hapisqaykichik kan? nispa. Paykunañataqmi nirqaku: Manam kanchu, nispanku.

Juan 5:14

Jesusmi tumpa unaymanta chay runawan templopi tuparurqa, hinaspam nirqa: Sanoyaruchkaspaykiqa amañam hucha-llikunkiñachu, yanqañataq imapas aswanraq hamusunkiman, nispa.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Juan 8:11

Warmiñataqmi nirqa: Manam pipas Señor, nispan. Hinaptinmi Jesusñataq nirqa: Ñoqapas manam condenaykichu, ripukuspayá amaña huchallikuyñachu, nispa.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Romanos 5:10

Diospa enemigon kachkaptinchikpas, Churin Jesuspa wañusqanwanmi kikinwan allinyanaykachiwanchik. Chayna-qa, Dioswan allinyanakusqaña kaspan-chikqa, aswanraqmi vidanrayku salvasqa kasunchik.

Romanos 6:15

¿Hinaptinqa imatataq ruwasun? ¿Leyman hina manaña kawsaspa Diospa kuyakuyninman hinaña kawsasqanchikraykuchu, aswanraq huchallikusun? ¡Manapunim!

Romanos 8:34

¿Pitaq condenawachwanchik? Cristom wañuspan kawsarimurqa, hinaspam Diospa alleq lawninpi kaspan ñoqanchikpaq mañakuchkan.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

Efesios 2:18

Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.

Efesios 4:26

Piñakuspaqa amataqyá huchallikuychikchu, amayá inti seqaykunankamaqa piñakuruychikchu.

1~Timoteo 2:5

Hukllam Diosqa, hukllataqmi Dioswan runakunata allinyanachiqpas, chay allinyanachiqqa Jesucristom.

1~Timoteo 3:14

Kay cartatam qellqamuchkayki, ichaqa chayllam qam watukaykamuyta munachkani,

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

Santiago 3:9

Qallunchikwanmi Dios Taytanchikta qapaqchanchik, hina qallunchikwantaqmi kikinman rikchakuq Diospa unanchasqan runatapas ñakanchik.

1~Pedro 2:22

Cristoqa manam huchallikurqachu, nitaqmi pitapas engañarqachu.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

1~Juan 5:17

Tukuy mana allin ruwaykunaqa hucham, ichaqa kanmi wañuyman mana apakuq huchakuna.

1~Juan 5:21

Churillaykuna, idolokunamantaqa karun-chakuychikyá. Amén.

3~Juan 1:4

Ñoqaqa iñiypi churiykuna cheqap kaqpi purisqanta uyarisqaywanmi tukuy imamantapas astawanqa kusikuni.