1~Juan 1:3 - CHUYA QELLQA La Biblia en Quechua de Ayacucho 2012

³ Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

Quechua Ayacucho Bible 1987

³ Chayna rikusqaykuta, uyarisqaykutam willamuykiku chaynapi qamkunapas ñoqaykuwan huklla kanaykichikpaq. Ñoqaykuqariki hukllam kachkaniku Dios Taytawan hinaspa Churin Jesucristowan.

Chuya Qellqa 1992

³ Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

1~Juan 1:3 Iomraidhean Croise

Jobwan Sutichasqa Libro 13:1

Tukuy kaykunatam rikurqani, rinriywanmi uyarirqani.

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Números 10:32

Ñoqaykuwan riptikiqa, Tayta Diospa tukuy allin kaqkuna qowasqankutam rakisqaykiku, nispa.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 19:35

Tukuy kaykunata rikuqmi chaynata willakun, willakuyninqa cheqapmi; paypas yachanmi cheqap nisqantaqa, chaynapi qamkunapas creenaykichikpaq.

Hechos 13:32

Chaynapim ñoqaykupas qamkunaman kay allin noticiata willachkaykiku, chaytam ñawpaq taytanchikkunaman Dios prometerqa.

Hechos 13:41

“Diospa nisqanmanta asikuqkuna, uyariychik, admirakuspa chinkaychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu”, nispa.

Hechos 2:42

Paykunam apostolkunapa yachachikuyninpi takyarqaku, kapuqninkuwanmi yanapanakuqku, huk sonqollam tantatapas partenakuqku, Dios mañakuypipas hukllam karqaku.

Hechos 20:27

Diospa munasqantaqa mana imatapas pakaspaymi willarqaykichik.

Hechos 4:20

Ñoqaykuqa manam upallaymankuchu rikusqaykumantawan uyarisqaykumanta willakuytaqa, nispanku.

Romanos 15:27

Chaytaqa kikillankumantam ruwarqaku, hinaspapas ruwanankupunim karqa, paykunaqa debekuq hinam kachkanku judiokunapa yanapakuyninwan Diosta chaskikusqankumanta. Chaymi paykunapas iñiqmasinchik judiokunata wakchayayninkupi imapas kapuqninkuwan yanapananku.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 1:9

Diosqa prometesqantaqa cumplinmi, payqa Churin Señorninchik Jesucristowan huklla kanaykichikpaqmi qayasurqankichik.

1~Corintios 15:1

Kunanqa wawqe-panikuna, Cris-tomanta allin noticia willasqaytam yuyarinaykichikta munani, chayqa chaskisqaykichik noticiam, chaywantaqmi qamkunaqa qaqa hina sayachkankichik.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Filipenses 1:7

Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Filipenses 2:1

Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

1~Tesalonicenses 1:10

willakuchkankutaqmi hanaq pachamanta Diospa Churin Jesús kutimunan suyasqaykichiktapas, paytam wañusqanmanta Dios kawsarichimurqa. Paymi hamuq tiempokunapi castigomanta librawasunchik.

1~Timoteo 6:2

Sichum esclavokunapa patronnin iñiqmasin kaptinqa amayá iñiqmasin kasqanraykuqa mana kaqpaqqa hapichunchu. Aswanqa chay patronnin iñiqmasin hinaspa kuyay wawqen kasqanraykuyá allinta servichun. Kaykunatayá yachachiy hinaspa kamachiy.

Hebreos 2:12

Chuya Qellqapim kaynata nichkan: “Qanmantam wawqeykunaman willakusaq huñunasqa runakunapa chawpinpim yupaychasqayki”, nispa.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

2~Pedro 1:16

Señorninchik Jesucristopa atiy-ninmantawan kutimunanmanta yacha-chisqaykuqa manam sakri cuentochu, aswanqa kikiykum ñawiykuwan Señorpa ancha atiyninta rikurqaniku.

1~Juan 1:1

Tukuy imapas manaraq unanchasqa kachkaptinqa kawsay qokuq Simiqa karqañam. Paytam ñoqaykupuni uya-rirqaniku, rikurqaniku hinaspa makiykuwan llapcharqaniku.

1~Juan 1:5

Jesucristopa imam yachachiwas-qankutam qamkunaman willamuykiku: Diosqa achkiymi, paypiqa manam tutayayqa kanchu.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.