1~Juan 1:2 - CHUYA QELLQA La Biblia en Quechua de Ayacucho 2012

² Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

Quechua Ayacucho Bible 1987

² Paymá reqsichiwarqaku wiñay kawsayta hinaptinmi rikusqaykumanta testigo kaspa qamkunamanpas willamuykiku wiñay kawsakuymanta. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

Chuya Qellqa 1992

² Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

1~Juan 1:2 Iomraidhean Croise

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 1:4

Kawsaymi paypi karqa, chay kawsaymi llapa runakunapaq achkiy karqa.

Juan 10:28

Ñoqam paykunaman wiñay kawsayta qoni chaymi paykunaqa mana haykapipas chinkanqakuchu, manataqmi pipas makiymantaqa qechuwanqachu.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 15:27

Qamkunapas ñoqamantam willakunkichik, qamkunaqa qallariyninmantapunim ñoqawan karqankichik.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:5

Taytáy, kunanyá ñawpaqnikipi hatunchaway, chayna hatunchasqam karqani manaraqpas kay pacha kachkaptin.

Juan 19:35

Tukuy kaykunata rikuqmi chaynata willakun, willakuyninqa cheqapmi; paypas yachanmi cheqap nisqantaqa, chaynapi qamkunapas creenaykichikpaq.

Juan 21:14

Kaywanqa kimsakamañam Jesusqa discipulonkunaman rikurirqa wañus-qanmanta kawsarimuspan.

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Juan 7:29

Ñoqam ichaqa paymanta hamusqayrayku reqsini. Paymi ñoqataqa kachamuwarqa.

Juan 8:38

Ñoqaqa rimani Taytaypa kasqanpi rikusqaykunatam, qamkunapas ruwankichik taytaykichikpa nisusqaykichiktam, nispa.

Hechos 1:22

Paykunam Juanpa bautizay qallarisqanmantapuni ñoqanchikwan karqaku hanaq pachaman Jesús ripukunankama. Chaymi paykunamanta hukkaqninta akllananchik, Jesucristopa kawsarimusqanmanta ñoqanchikwan kuska willakunanpaq, nispa.

Hechos 10:41

Manam llapallan runakunamanchu rikurirqaqa, aswanqa ñoqallaykumanmi, Jesusmanta willakunaykupaq ñawpaqmantaraq Diospa akllasqan kasqaykurayku. Kawsariramuptinmi Jesuswan kuska mikurqaniku hinaspa tomarqaniku.

Hechos 2:32

Kay Jesustam Dios kawsarichimurqa, cheqaptapunim chaytaqa llapallayku rikurqaniku.

Hechos 3:15

Chaynapim kawsay qokuq Jesusta wañuchirqankichik. Ichaqa Dios Taytam kawsarichimurqa, chaymi Jesús kawsarimusqan rikusqaykumanta testigo kaniku.

Hechos 5:32

Kaykunamantaqa ñoqaykum testigo kaniku, testigotaqmi kasukuqninkunaman Diospa qosqan Chuya Espiritupas.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

2~Timoteo 1:10

Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

1~Juan 1:1

Tukuy imapas manaraq unanchasqa kachkaptinqa kawsay qokuq Simiqa karqañam. Paytam ñoqaykupuni uya-rirqaniku, rikurqaniku hinaspa makiykuwan llapcharqaniku.

1~Juan 2:25

Cristopa prometewasqanchikqa wiñay kawsaymi.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

1~Juan 4:2

Kaynapim reqsinkichik Diospa Espiritunwan kaq runataqa: “Jesucristom kay pachaman hamuspan cheqap runa karqa” nispa niqkunam Diospa Espiritunwan kachkan.

1~Juan 5:11

Diospa nisqanqa kaymi: Diosmi wiñay kawsayta qowarqanchik, chay wiñay kawsayqa tarikun Churin Jesucristollapim.

1~Juan 5:13

Diospa Churinpi iñikuqkunamanmi kaykunata qellqamuykichik, chaynapi wiñay kawsayniyuqña kasqay-kichikta yachanaykichikpaq.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.