1~Corintios 9:17 - CHUYA QELLQA La Biblia en Quechua de Ayacucho 2012

¹⁷ Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

Quechua Ayacucho Bible 1987

¹⁷ Kikillaymanta ruraptiyqa kapuwanqam premioy. Obligasqa ruraspayqa Diospa kamachisqallantam rurachkani.

Chuya Qellqa 1992

¹⁷ Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

1~Corintios 9:17 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:14

Ichaqa, ¿pitaq ñoqaqa karqani, pitaq llaqtaypas, chaynapi tukuy kaykunata qanman ofrecemunaykupaqqa? Tukuy imapas qamllapam, qanmanta chaskisqallaykutam qoykikupas.

1~Crónicas 29:5

Qoritam qoni qorimanta kaqkunapaq, qollqetañataqmi qollqemanta kaqkunapaq, chaykunawan templopa servicionkunata artesanokuna ruwanankupaq. Chaynaqa, ¿pitaq kunan qamkunamanta Tayta Diospa templonpaq ofrenda qoykuyta munanman? nispa.

1~Crónicas 29:9

Chay qosqankuwanmi llapa runakuna kusikurqaku, tukuy sonqomanta Tayta Diosman qosqankurayku, rey Davidpas anchatam kusikurqa.

Nehemías 11:2

Hinaptinmi llapallan runakunañataq chay Jerusalenpi yachay munaqkunata bendecirqaku.

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Malaquías 1:10

¡Ima allinraq kanman templopa punkunta hukkaqnikichik wichqaruptinqa, chaynapi amaña pipas yanqapaq altarniypi ninata ratachinanpaq! Manañam qamkunawanqa kusisqañachu kani, nitaqmi ofrendaykichiktapas chaskisqaykichikñachu.

Mateo 10:41

Pipas profetata chaskiqqa, profetapa chaskinan premiotam chaskinqa; pipas allin ruwaq runata chaskiqñataqmi allin ruwaq runapa premionta chaskinqa.

Mateo 24:25

Qamkunataqa ñawpaqmantaraqmi nirqaykichikña.

Lucas 12:42

Chaymi Señorñataq nirqa: ¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Juan 4:36

Cosechapi llamkapakuqqa pagontam chaskin, cosecha huñusqanñataqmi wiñay kawsaypaq, chaynapi tarpuqpas hinaspa cosechaqpas kuskanku kusikunankupaq.

1~Corintios 3:14

Pipapas perqasqan ninawan pruebasqa kachkaspan mana ruparuptinqa pagontam chaskinqa.

1~Corintios 3:8

Tarpuqwan parqoqqa chay hinallam kanku, ichaqa llamkasqankuman hinam sapakamaman Dios pagapunqa.

1~Corintios 4:1

Ñoqaykutaqa Cristopa yanapaqninta hinallayá qawawayku. Ñoqaykuqa Diospa pakasqan kaqkunata nanachikuq mayordomollanmi kaniku.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

1~Corintios 9:18

Chay premioyqa Cristomanta allin noticiata mana imallapaq willakuymi hinaspa derechoyta mana mañakuspa llamkayniymi.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

Gálatas 2:7

Ichaqa, imaynam Pedrota Dios akllarqa judiokunaman willakunanpaq, chaynam ñoqatapas Dios akllawarqa mana judío kaqkunaman allin noticia willakamunaypaq.

Colosenses 1:25

Diosqa akllawasqanman hinam iñiqkunata servinaypaq churaruwan, chaynapi qamkunapa allinnikichikpaq paypa palabranta lliwta willakunaypaq.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

Filemón 1:14

Ichaqa manam imatapas ruwaymanchu mana simikiwanqa, chaynapi allin ruwasqaykiqa mana obligasqa kaspa sonqoykimanta kananpaq.