1~Corintios 8:3 - CHUYA QELLQA La Biblia en Quechua de Ayacucho 2012

³ Dios kuyaq runaqa Diospa reqsisqanmi.

Quechua Ayacucho Bible 1987

³ Dios kuyaq runaqa Diospa reqsisqanmi.

Chuya Qellqa 1992

³ Dios kuyaq runaqa Diospa reqsisqanmi.

1~Corintios 8:3 Iomraidhean Croise

1~Reyes 3:3

Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

Éxodo 33:12

Moisesmi Tayta Diosta nirqa: Qanmi niwachkanki: “Kay runakunata pusay”, nispa; ichaqa manam reqsichiwankichu pim ñoqawan rinantapas. Qamqa niwankitaqmi allinta reqsiwaspayki kuyapayawasqaykitapas.

Éxodo 33:17

Chaymi Tayta Dios nirqa: Kay nisqaykitapas ruwasaqmi, favorniy qanwan kasqanraykum ñoqaqa sumaqta reqsiki, nispa.

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Nahúm 1:7

Tayta Diosqa kuyapayakuqmi, sasachakuy punchawpipas waqaychakuqmi, payman hapipakuqtaqa pakaykunmi.

Mateo 7:23

Hinaptinmi nisaq: “Manam reqsikichikchu. ¡Mana allin ruwaqkuna, qayllaymanta anchuychik!”, nispay.

Juan 10:14

Ñoqaqa allin michiqmi kani. Imaynam Taytay ñoqata reqsiwan chaynam ñoqapas Taytayta reqsini, ovejaykunatapas reqsinim, paykunapas reqsiwantaqmi. Ñoqaqa ovejakunaraykum vidayta qoni.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Romanos 11:2

Ñawpaqmantaraq akllasqan llaqtantaqa Diosqa manam cheqnirqachu. Yachasqaykichikman hinam Qellqa willawanchik, imaynam Eliasqa Diosta mañakuspan Israelpa contranpi kayna rimasqanta:

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

1~Corintios 2:9

Imaynam Qellqapa kayna nisqanman hina: “Diosmi kuyaqninkunapaq prepararqa, mana pipapas rikusqanta, mana pipapas uyarisqanta, mana pipapas piensasqanta”.

Gálatas 4:9

Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa, ¿imaynampimá kay pachapi ñawpaq yachachikuykuna kasukuqqa kutiriwaqchik? ¿Huktawanchu esclavo kayta munankichik?

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

1~Juan 4:19

Diostaqa kuyanchik paypuni puntata kuyawasqanchikraykum.

1~Juan 4:7

Kuyasqallaykuna, kuyanakusunchikyá, kuyakuyqa Diosmantam hamun. Pipas kuyakuqqa Diospa churinmi, payqa Diostam reqsin.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 2:19

Ñoqaqa reqsinim tukuy ruwasqaykikunata, kuyakuynikita, iñiynikita, servikuynikita. Reqsinitaqmi pacienciawan qepa kaq ruwasqaykikunaqa punta kaqmantaqa aswan allinraq kasqantapas.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.