1~Corintios 8:12 - CHUYA QELLQA La Biblia en Quechua de Ayacucho 2012

¹² Chaynaqa, pisi iñiy-niyuq wawqekunapa conciencianpa contranpi huchallikuspaqa, kikin Cristopa qayllanpim huchallikuchkankichik.

Quechua Ayacucho Bible 1987

¹² Conciencianpi iskayrayaq wawqekunata hukmanyachispaqa paypa contranpi huchallikuspam kikin Cristopa contranpipas huchallikuchkankichik.

Chuya Qellqa 1992

¹² Chaynaqa, pisi iñiyniyuq wawqekunapa conciencianpa contranpi huchallikuspaqa, kikin Cristopa qayllanpim huchallikuchkankichik.

1~Corintios 8:12 Iomraidhean Croise

Génesis 20:9

Chaymantam Abimelecqa Abrahamta qayachispa nirqa: ¿Imatataq kayta ruwaruwankiku? ¿Imapitaq qamta pantarqayki ñoqatawan runaykunata llumpayta huchallichiwanaykikupaq? Mana ruwanaykitam kaytaqa ruwaruwanki.

Génesis 42:22

Rubenñataqmi nirqa: Ñoqaqa nirqaykichikmi “Ama huchallikuychikchu warmapa contranpi” nispay, ichaqa manam kasuwarqankichikchu, kunanmi vidanmanta ñakarichkanchik, nispa.

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Éxodo 32:21

Aarontañataqmi Moisés nirqa: ¿Imanasurqankitaq kay runakuna hatun huchaman urmaykachinaykipaq? nispa.

Mateo 18:10

Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Mateo 18:21

Hinaptinmi Pedroñataq Jesusman asuykuspan nirqa: Señorlláy, ¿hayka kutikamataq contraypi wawqey huchallikuptin pampachasaq? ¿Qanchis kutikamachu? nispa.

Mateo 18:6

Ñoqapi iñiq taksakunamanta mayqellantapas huchallichiqtaqa, allinchá kanman molino rumita kunkanman wataruspanku lamar qochaman wischuykuyninkuqa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 25:45

Chaymi payñataq ninqa: “Cheqap-tapunim nikichik, sichum kaykuna-manta taksan kaqllapaqpas mana ruwaspaykichikqa ñoqapaqpas manam ruwarqankichikchu”, nispa.

Marcos 9:42

Ñoqapi iñiq taksakunamanta hukkaqninta pipas huchallichiqtaqa, allinchá kanman molino rumita kunkanman wataruspanku lamar qochaman wischuykuyninku.

Lucas 17:2

Ñoqapi iñiq taksakunamanta hukninta pipas huchallichiqtaqa, allinchá kanman molino rumita kunkanman wataruspa lamar qochaman wischuykuyninkuqa.

Romanos 14:20

Amayá mikuypa causanpiqa Diospa obrantaqa tuñichiychu. Yachasqanchikpi hinapas llapallan mikuykunaqa chuyanchasqam kachkan, ichaqa manam allinchu mikusqanchikwan wakinkunata huchaman wichiykachiyqa.

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.

1~Samuel 24:11

Taytalláy qawarimuy, capaykipa patantam hapichkani, capaykipa patanta kuchuruchkaspaypas manam wañurachirqaykichu. Chaynaqa, reyni-lláy kunanqa yachankim ñoqaqa mana contraykipi huchallikuq kas-qayta; qanmi ichaqa wañuchiwanay-kipaq maskawachkanki.