1~Corintios 7:31 - CHUYA QELLQA La Biblia en Quechua de Ayacucho 2012

³¹ Kay pachapi allin kaqkunawan servichikuqkunapas allin kaqkunawan mana servichikuq hinam kananku, kay pacha qawasqanchikqa tukuruqllam.

Quechua Ayacucho Bible 1987

³¹ Kay pachapi allin kaqkunawan servichikuqkunapas allin kaqkunawan mana servichikuq hinam kananku, kay pacha qawasqanchikqa tukurunqam.

Chuya Qellqa 1992

³¹ Kay pachapi allin kaqkunawan servichikuqkunapas allin kaqkunawan mana servichikuq hinam kananku, kay pacha qawasqanchikqa tukuruqllam.

1~Corintios 7:31 Iomraidhean Croise

Eclesiastés 1:4

Runaqa nacechkanraq wañuchkanraqmi, allpa pacham ichaqa hina kaqlla.

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

1~Corintios 7:29

Wawqe-panikuna, kaytam niyta munaykichik, manañam tiempo kanñachu, chaymi kunanmantaqa casadokunapas mana warmiyuqpas kanman hinaña kawsananku.

1~Corintios 7:30

Llakisqa kaqkunapas mana llakiyuq hinam kananku, kusisqa kaqkunapas mana kusikuyniyuq hinam kananku, chaynataqmi rantiqkunapas mana kapuqniyuq hinaña kananku.

1~Corintios 9:18

Chay premioyqa Cristomanta allin noticiata mana imallapaq willakuymi hinaspa derechoyta mana mañakuspa llamkayniymi.

Hebreos 12:27

“Huktawanraqmi” nispaqa nichkan tukuruqlla kaqkunata chinkachispan manaña haykapipas tukuqta wiñaypaq takyachinanmantam.

Santiago 4:14

Qamkunaqa manam yachankichikchu paqarin punchaw imam pasarusunaykichiktaqa. Vidaykichikqa hukta rikuriramuspa chinkaruq puyu hinallam.

1~Pedro 1:24

Chuya Qellqam kaynata nin: “Llapa runakunaqa qora hinallam, kuyayllapaq kayninkupas qorapa waytan hinallam. Qora chakiruptinqa waytanpas wichirunmi.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

1~Juan 2:17

Kay pachapi mana allin ruwaykunawan mana allin munaykunaqa tukuruqllam, Diospa munasqanta ruwaqmi ichaqa wiñaypaq kawsanqa.