1~Corintios 7:19 - CHUYA QELLQA La Biblia en Quechua de Ayacucho 2012

¹⁹ Manam imananchu señalasqa otaq mana señalasqa kayninchikpas, Diospa kamachikuynin kasukuymi allinqa.

Quechua Ayacucho Bible 1987

¹⁹ Manam imananchu señalasqa otaq mana señalasqa kayninchikpas, allinqa Diospa kamachikuyninkuna kasukuyninchikmi.

Chuya Qellqa 1992

¹⁹ Manam imananchu señalasqa otaq mana señalasqa kayninchikpas, Diospa kamachikuynin kasukuymi allinqa.

1~Corintios 7:19 Iomraidhean Croise

Mateo 5:19

Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

Juan 15:14

Sichum kamachisqayta ruwaspaykichikqa amistadniykunam kankichik.

Romanos 3:30

Diosqa chullallam. Chaymi pipas iñikuptinqa mana huchayuqpaqña chaskin, qari kayninpi señalasqa judío kaptin otaq mana señalasqa kaptinpas.

1~Corintios 8:8

Manam mikus-qanchikraykuchu Diosqa chaskiwanchik, manam mikusqanchikwanchu allin-qa kasunchik, nitaqmi mana mikusqanchikwanchu mana allinqa kasunchik.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Gálatas 6:15

Jesucristopiqa qari kayninpi señalasqa kaypas otaq mana señalasqa kaypas manam valenchu, musoq runaña kaymi valenqa.

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.

Josué 5:5

Egiptomanta lloqsimuq qarikunaqa llapallankum qari kayninkupi señalasqa karqaku. Chunniqta hamusqanku ñanpi nacemuqkunam ichaqa mana señalasqachu karqaku.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

1~Samuel 15:22

Chaymi Samuel nirqa: Imamantapas llalliriqtaqa Tayta Diosqa munan rimarisqan kasukunanchiktam, manam animalkuna ofrecenatachu, nitaqmi wañuchispa kañapunatachu. Sacrificiokunamantapas uywakunapa wiran kañanamantapas aswan allinqa cheqaptapuni kasukuspa Tayta Diosta uyariymi.