1~Corintios 7:11 - CHUYA QELLQA La Biblia en Quechua de Ayacucho 2012

¹¹ Rakikuruspanqa amataqyá hukwanqa casarakuchunchu, mana chayqa qosanwan amistachun. Qosanpas amataqyá warmintaqa saqechunchu.

Quechua Ayacucho Bible 1987

¹¹ Rakikuruspanqa amataqyá hukwanqa casarakuchunchu, manachayqa qosanwan amistachun. Qosanpas amataqyá dejachunchu warmintaqa.

Chuya Qellqa 1992

¹¹ Rakikuruspanqa amataqyá hukwanqa casarakuchunchu, mana chayqa qosanwan amistachun. Qosanpas amataqyá warmintaqa saqechunchu.

1~Corintios 7:11 Iomraidhean Croise

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Mateo 5:32

Ñoqam ichaqa nikichik: Huk qariwan mana waqllikuchkaptin warminmanta rakikuqqa, hukwan waqllikunanpaqmi tanqaykun, chay warmiwan casarakuqpas waqllikuruntaqmi.

Marcos 10:12

Sichum warmipas qosanmanta rakikuruspan huk qariwan casarakuruspanqa waqllikuruntaqmi, nispa.

Marcos 10:2

Fariseokunañataqmi Jesusman asuykuspanku imawanpas wichichiyta munaspanku tapurqaku: ¿Allinchu pipas casado kachkaspa warminmanta rakikuruynin kanman? nispanku.

Lucas 16:18

Warminmanta rakikuruspan huk warmiwan casarakuq runaqa chay warmiwanmi waqllikurun. Qosanpa saqesqan warmiwan casarakuqpas waqllikuruntaqmi.

1~Corintios 7:10

Casado kaqkunatam ichaqa kama-chini, warmiqa amayá qosanmantaqa rakikuchunchu. Kay kamachikuyqa manam ñoqapachu aswanqa Señorpam.

1~Corintios 7:12

Wakinkunatam ichaqa ñoqa nini, manam Señorchu, hukkaq wawqepa warmin Diospi mana iñiq kanqa, ichaqa paywan hawka yachakunqa, hinaptinqa amayá saqechunchu.

Deuteronomio 22:19

Sipaspa taytanmanñataqmi huk kilo qollqeta pagachinqaku, chaynataqa multanqaku Israelpa mirayninkuna ukupi manaraq qari reqsiq sipasta yanqa penqayman churasqanmantam. Chay casarasqan warmiqa kawsanankamam warmin kanqa, manam rakikuyta atinmanchu.