1~Corintios 6:9 - CHUYA QELLQA La Biblia en Quechua de Ayacucho 2012

⁹ ¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

Quechua Ayacucho Bible 1987

⁹ ¿Manachu yachankichik Diospa munaychakusqanmanqa mana allin ruraqkunaqa mana yaykunanta? Amayá pantaychikchu, Diospa munaychakusqanmanqa manam yaykunqachu huchapakuypi puriqkunapas, taytacha-mamacha adoraqkunapas, casado kachkaspa hukwan kakuqkunapas nitaq qarimasinwan kaqkunapas

Chuya Qellqa 1992

⁹ ¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu: Huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

1~Corintios 6:9 Iomraidhean Croise

Génesis 19:5

Hinaspam Lotta qayaykacharqaku: ¿Maytaq kunan tuta samachisqayki runakuna? Hurqomuy abusanaykupaq, nispanku.

Éxodo 23:1

Amam imatapas llullakuspaqa willakunkichu. Amataqmi falso testigo kanaykipaq-qa mana allin runakunawanqa tantea-nakunkichu.

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 22:8

Mana allin kaqkunallata tarpuqqa sasachakuyllatam cosechanqa, Tayta Diosmi piñakuy tawnanwan tuñichinqa.

Proverbios 7:27

Wasinpas wañuqkunapa kasqanman apakuq ñanmi, wañuypa munaychakuyninman apakuqmi.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Ezequiel 18:11

taytanpa mana ruwasqankunata ruwaspan idolokunata hatunchanankupaq orqokunapi convidokuna ruwasqankuman riq, runamasinpa warminta abusaq,

Levítico 18:20

Runamasikipa warminwanqa amam kakunkichu. Chaynata ruwaspaqa millakuypaqmi kawaq.

Levítico 18:22

Warmiwan hinaqa amam qarimasikiwanqa kakunkichu, chay ruwayqa pasaypaq millakuypaqmi.

Levítico 19:15

Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Levítico 20:13

Sichum pipas qarimasillanwan warmiwan hina puñukuqqa iskayninkum wañuchisqa kanqaku, millarikuypaq kaqta ruwasqankumanta wañuspankuqa kikinkum huchayuq kanqaku.

Zacarías 5:3

Chaymi payñataq niwarqa: Wakpiqa qellqasqa kachkan kay pachapaq ñakaymi; cheqaptapunim pipas suwakuqqa, huklawninpi qellqasqa kasqanman hina, puchukachisqa kanqa; chaynallataqmi pipas yanqamanta juramentaqqa, huklawninpi qellqasqa kasqanman hina, chinkachisqa kanqa, nispa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Hechos 20:32

Wawqellaykuna, kunanqa Diospa makinmanwan kuyakuy palabranman-ñam saqekichik, payqa atiyniyuqmi iñiy-nikichikpi wiñachisunaykichikpaq, chay-nataq chuyanchasqan llaqtanman prome-tesqan herenciata qosunaykichikpaqpas.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Romanos 1:18

Diosmi piñakuyninta hanaq pachamanta kacharimun runakunapa mana allin ruwayninpa chaynataq mana llakipayakuq kayninpa contranpi. Paykunam mana allin kawsayninkuwan cheqap kaqkuna reqsinata harkakunku.

1~Corintios 15:33

Amayá engañachikuychikchu, mana allin rimaykunaqa allin kawsakuytam pierdechin.

1~Corintios 15:50

Nikichikmi wawqe-panikuna, aychayuq yawarniyuq runaqa manam Diospa munaychakusqanmanqa yaykunqachu, tukuruqlla kaqpas manataqmi chaskinmanchu mana tukuq kaqtaqa.

1~Corintios 3:16

¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta?

1~Corintios 5:1

Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu.

1~Corintios 5:10

Kaywanqa manam nichkaykichik kay pachapi llapallan huchapakuq runakunamanta, qollqella kuyaqkunamanta, suwakunamanta, ídolo yupaychaqkunamanta pasaypaq rakikurunaykichiktachu, chayna kaptinqa kay pachamantachiki lloqsikuchwanña.

1~Corintios 5:11

Qellqamurqaykichikqa iñiqmi kani nichkaspa huchapakuqkunawan, qollqella kuyaqkunawan, ídolo yupaychaqkunawan, cuento qepikunawan, sinkakuqkunawan hinaspa suwakunawan mana hukllawanakunaykichikpaqmi. Chaykunawanqa amam kuskapas mikunaykichikchu.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

1~Corintios 6:18

Huchapakuymanta ayqeychik, runapa huk rikchaq hucha ruwasqanqa manam cuerponpa contranpichu, huchapakuqmi ichaqa kikinpa cuerponpa contranpi huchallikun.

1~Corintios 6:19

¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

1~Corintios 9:24

Yachasqaykichikpi hinapas llallinakuspa kallpaypiqa achkam kallpanku, ichaqa hukllam premiotaqa chaskin, chaynayá qamkunapas kallpachkaq hina kawsaychik premio chaskinaykichikpaq.

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

Gálatas 6:7

Amayá qamkunaqa engañakuychik-chu, Diostaqa manam pipas burlakunmanchu, runaqa imapas tarpusqantam cosechanqa.

Deuteronomio 22:22

Sichum pitapas casada warmiwan huchapakuchkaqta tariruspaykichikqa iskaynintam wañuchinkichik. Chaynata ruwaspam qamkunamanta mana allin ruwayta chinkachinkichik.

Deuteronomio 22:5

Warmiqa amam qaripa pachanwanqa pachakunqachu, nitaqmi qaripas warmipa pachanwanqa pachakunqachu. Pipas chayna ruwaqqa Tayta Diospa millakusqanmi.

Deuteronomio 23:17

Israel castakunamantaqa amam warmi churikichikpas idolokunata yupaychananpaqqa chuchumikaqa kanqachu, nitaqmi qari churikichikpas qaripura qachakuspaqa idolokunata yupaychanqachu.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.

Hebreos 12:16

Amayá pipas huchapakuchunchu nitaq Diospa kaqninkunatapas despreciachunchu, imaynam Esaú huk plato mikuyllapaq piwi kayninta rantikusqanta hinaqa.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

Santiago 1:16

Kuyasqay wawqe-panillaykuna, amayá pantaruychikchu.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.

Jueces 19:22

Kusisqa kachkaptinkum, chay llaqtapi mana allin qarikuna wasita muyururqaku, punkuta takaspankum wasipa dueñonta nirqaku: Wasikiman yaykumuq runata abusanaykupaq hurqomuy, nispanku.