1~Corintios 6:19 - CHUYA QELLQA La Biblia en Quechua de Ayacucho 2012

¹⁹ ¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

Quechua Ayacucho Bible 1987

¹⁹ ¿Manachu yachankichik cuerpoykichik Chuya Espiritupa templon kasqanta, paytaqa Diosmi qosurqankichik qamkunapi kananpaq. Qamkunaqa manam kikikichikpañachu kankichik.

Chuya Qellqa 1992

¹⁹ ¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

1~Corintios 6:19 Iomraidhean Croise

1~Reyes 20:4

Chaymi Israel nacionpa reynin kaynata nirqa: Reynilláy, nisqaykiman hinayá ñoqapas tukuy imaykunapiwan qampaqña kasaq, nispa.

1~Crónicas 29:14

Ichaqa, ¿pitaq ñoqaqa karqani, pitaq llaqtaypas, chaynapi tukuy kaykunata qanman ofrecemunaykupaqqa? Tukuy imapas qamllapam, qanmanta chaskisqallaykutam qoykikupas.

Juan 2:21

Templomanta rimaspanqa Jesusqa nichkarqa kikinpa cuerponmantam.

Romanos 8:9

Qamkunam ichaqa mana aychaman hinañachu kawsankichik, aswanqa Espirituman hinañam, qamkunapi Diospa Espiritun kasqanrayku. Sichum runapi Cristopa Espiritun mana kaptinqa manam Cristopachu.

1~Corintios 3:16

¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta?

1~Corintios 6:13

Mikuyqa wiksapaqmi, wiksañataqmi mikuypaq. Chaykunataqa Diosmi tuñichinqa. Cuerpoqa manam huchapakuypi purinapaqchu, aswanqa Señorpaqmi, Señorñataqmi cuerpopaq.

1~Corintios 6:3

¿Manachu yachankichik angelkunatapas juzgananchikta? ¿Chaychu kay pachapi taksa asuntokunata mana allichayta atichwan?

2~Corintios 5:15

Cristoqa llapallanchikpaqmi wañurqa, chaynapi kawsaqkunapas manaña kikillanchikpaq kawsaspa Cristopaqña kawsananchikpaq, payqa wañukuspanmi kawsarimurqa.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Santiago 4:5

Manam yanqachu Qellqaqa nin: “Ñoqanchikpi kawsaq Diospa Espi-ritunmi llumpa-llumpayta nanachikuwanchik”, nispa.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.