1~Corintios 6:11 - CHUYA QELLQA La Biblia en Quechua de Ayacucho 2012

¹¹ Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Quechua Ayacucho Bible 1987

¹¹ Chaynamá karqankichik qamkunapas, ichaqa Diosmi mayllaykusurqankichik, kikillanpaqñam sapaqchasurqankichik, Señor Jesuspa sutinpim hinaspa Diosninchikpa Espiritunpa yanapakuyninwanmi mana huchayoqpaqña chaskisqa kachkankichik.

Chuya Qellqa 1992

¹¹ Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

1~Corintios 6:11 Iomraidhean Croise

Proverbios 30:12

Kanmi mana huchayuqpaq hapikuruq runakuna, huchankumantaqa manam chuyanchakunkuchu.

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Isaías 45:25

Israelpa mirayninkunaqa ñoqaraykum mana huchayuqpaqña chaskisqa kanqaku, ñoqa Tayta Diosraykum alabakunqaku.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Levítico 14:48

Sichum sacerdote chay wasiman huktawan yaykuspa allinta qawaptin, musoqmanta laqapasqanku perqakunapi chay qoqaray mana miraruptinqa, qoqaray chinkarusqanraykum sacerdote ninqa chay wasiqa chuyaña kasqanta.

Levítico 8:6

Hinaspam Aarontawan churinkunata Moisés asuykachispan yakuwan bañachirqa.

Mateo 20:4

hinaspanmi nirqa: “Qamkunapas uvas chakraypi llamkaq riychik, imam kaqtam pagapusqaykichik”, nispa. Chaymi paykuna pasarqaku.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Juan 13:10

Jesusñataqmi nirqa: Pipas bañasqañaqa manam necesitanñachu mayllanataqa, aswanqa chakillantañam, qamkunaqa limpio-ñam kachkankichik, ichaqa manam llapaykichikchu.

Juan 13:8

Chaymi Pedroñataq nirqa: Chakiytaqa manapunim haykapipas mayllawaqchu, nispa. Jesusñataqmi nirqa: Mana mayllaptiyqa manam discipuloyqa kawaqchu, nispa.

Juan 5:4

Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Hechos 13:39

Moisespa leynintakama mana pampachasqa kasqaykichiktam, Jesucristopi haykam iñiqkunaqa pampachasqaña kankichik.

Hechos 22:16

Kunanqa, ¿imataraqtaq suyachkanki? Hatarispayá bautizakuy, hinaspa Señorpa sutinta qayakuy huchaykikuna pampachasqa kananpaq”, nispa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 3:24

Diosmi ichaqa kuyapayakuyninpi mana imallapaq, Cristo Jesús rantin-chikpi wañusqanrayku mana huchayuqtaña ruwaykuwanchik.

Romanos 4:5

Sichum pipas mana llamkachkaspalla Diosman iñikuptinqa mana huchayuqpaqñam chaskin. Iñiptillankum huchasapakunatapas Diosqa mana huchayuqtaña ruwan.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

Romanos 5:9

Cristopa yawar chaqchus-qanwanmi mana huchayuqtaña Dios ruwaykuwanchik, chaynapim paynintakama tukupay punchawpi Diospa piñakuyninmanta salvasqaña kasunchik.

Romanos 8:30

Ñawpaqmantaraq akllasqankunatam qayaykun, qayasqankunatañataqmi mana huchayuqtaña ruwaykun; mana huchayuqtaña ruwasqankunatañataqmi hatunchaykun.

Romanos 8:33

Diosmi mana huchayuqtaña ruwawaqninchikqa, hinaptinqa, ¿pitaq Diospa akllasqankunata acusanman?

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 12:2

Qamkunaqa yachankichikmi, manaraq iñikuchkaspaykichikqa mana rimaq idolokunamanmi ñawsa hina aysasqa karqankichik.

Gálatas 2:16

Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Gálatas 3:11

Chaynaqa, Diosqa pitapas mana huchayuqpaqqa chaskin, manam leyta kasukusqankuraykuchu. Chuya Qellqapim kaynata nin: “Allin ruwaq runaqa iñisqanraykullam kawsanqa”, nispa.

Gálatas 3:24

Warmakunata pusachkaq hinallam leyqa Cristoman pusawarqanchik, chaynapi payman iñikuspallanchik mana huchayuqpaqña Diospa chaskisqan kananchikpaq.

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Efesios 5:26

Kaytaqa ruwarqa haykam iñiqkunata chuyanchananpaqmi hinaspa yakuwan mayllachkaq hina palabranwan mayllananpaqmi.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 2:11

Diosllapaqña runakunata sapaqchaq Jesuspas chaynataq sapaqchasqan runakunapas Diospa churillanmi kanku. Chayraykum Diospa Churin Jesuspas mana penqakunchu sapaqchasqankunataqa “wawqeykuna” niyta.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.

1~Juan 2:12

Churillaykuna, qamkunamanmi qellqamuykichik Jesucristopa sutinpi huchaykichikkunata Dios pampachas-qanrayku.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.