1~Corintios 5:1 - CHUYA QELLQA La Biblia en Quechua de Ayacucho 2012

¹ Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu.

Quechua Ayacucho Bible 1987

¹ Yachanim huk kaqnikichik madrastrallanwan kakusqanta, chay hatun huchataqa Diospi mana iñiqpas manam ruranmanchu.

Chuya Qellqa 1992

¹ Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu.

1~Corintios 5:1 Iomraidhean Croise

Génesis 35:22

Chay allpapi Israel yachachkaptinmi, taytanpa churiwachan Bilhawan Rubén puñururqa. Chayta yacharuspanmi Israel llumpayta piñakururqa. Jacobpa churinkunam karqa chunka iskayniyuq.

Génesis 37:2

Kaymi Jacobpa mirayninkunamanta willakuy. Joseymi chunka qanchisniyuq watanpi kachkaspan wawqenkunawan kuska ovejakunata michiq. Chay wawqenkunaqa taytanpa churiwachan Bilhapa hinaspa Zilpapa wawankunam karqaku. Joseymi taytanman willaq paykunapa mana allinkuna ruwasqankuta.

Génesis 49:4

Lloqlla hina mana harkay atinam kanki, manañam piwi churiyñachu kanki, taytaykipa churiwachan warmiwan puñuruspayki camaytapas qanrachasqaykimanta.

2~Samuel 16:22

Chaymi Absalonpaq palaciopa hawanpi carpata ruwarapurqaku, chaypim Absalonqa lliw Israel runakunapa qawasqanta, taytanpa uywanakusqan warmikunawan Absalón puñurqa.

2~Samuel 20:3

Jerusalén llaqtapi palacionman chayaruspanmi, palacion cuidananpaq saqesqan uywanakusqan chunka warmikunata sapaq wasimanña David churarurqa. Paykunamanta nanachikuspanmi hina kikin uywarqa, ichaqa manañam paykunawan puñurqañachu, viudakuna hinam wañunankukama wichqasqa kawsarqaku.

1~Crónicas 5:1

Rubenqa Israelpa piwi churinmi karqa, ichaqa taytanpa uywanakuq masinwan puñurusqanraykum piwi churi kayninpa derechonqa wawqen Joseypa churinmanña qosqa karqa, chaynapim Rubenqa manaña piwi churipaqchu hapisqa karqa.

Jeremías 2:33

Waynaykikuna maskaytaqa sumaqtam yachanki, mana allin warmikunapas qampa mana allin ruwaynikikunatam qatipakunku.

Ezequiel 16:47

Qampas paykunapa imaynam kawsasqankutam qatipakurqanki, hinaspam millakuypaq ruwasqankuta ruwarqanki, ichaqa chaykunawanpas mana contentaspam paykunamantapas aswan millakuypaq kaqkunataraq ruwarqanki.

Ezequiel 22:10

Taytankupa warmillanwanmi qachakunku, killanwan onqoq warmikunatam abusanku.

Levítico 18:8

Taytaykipa yapakusqan warminwan kakuspaqa amam taytaykita penqaymanqa churankichu.

Levítico 20:11

Pipas taytanpa warminwan kakuqqa taytantam penqayman churachkan, chaynaqa iskayninkum wañuchisqa kanqaku, wañuspankuqa kikinkum huchayuq kanqaku.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Hechos 15:20

aswanqa kaynatayá qellqaykusunchik: “Amam mikunkichikchu idolokunaman ofrecesqa mikuytaqa, amam huchapakunkichikchu, amam mikunkichikchu yawartaqa nitaq ya-warpa pasasqan aychatapas”, nispan-chik.

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

1~Corintios 1:11

Wawqe-panikuna, Cloepa ayllunmi niwan qamkuna ukupi liryanakuy kas-qanmanta.

1~Corintios 5:11

Qellqamurqaykichikqa iñiqmi kani nichkaspa huchapakuqkunawan, qollqella kuyaqkunawan, ídolo yupaychaqkunawan, cuento qepikunawan, sinkakuqkunawan hinaspa suwakunawan mana hukllawanakunaykichikpaqmi. Chaykunawanqa amam kuskapas mikunaykichikchu.

1~Corintios 6:13

Mikuyqa wiksapaqmi, wiksañataqmi mikuypaq. Chaykunataqa Diosmi tuñichinqa. Cuerpoqa manam huchapakuypi purinapaqchu, aswanqa Señorpaqmi, Señorñataqmi cuerpopaq.

1~Corintios 6:18

Huchapakuymanta ayqeychik, runapa huk rikchaq hucha ruwasqanqa manam cuerponpa contranpichu, huchapakuqmi ichaqa kikinpa cuerponpa contranpi huchallikun.

1~Corintios 6:9

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

2~Corintios 2:5

Pipas llakichiwaqniyqa manam ñoqallatachu llakichiwan, allinlla rimaypiqa qamkunatapas llapallaykichiktam llakichisunkichik.

2~Corintios 7:12

Cartata apachimuspayqa manam piensarqani chay huchallikuq runapichu nitaq llakichisqa runapichu, piensarqaniqa ñoqaykumanta llakikuwasqaykichik otaq mana llakikuwasqaykichikpas Diospa qayllanpi yachasqa kananpaqmi.

Gálatas 5:19

Suti reqsiyllam aychapa munayninkunaqa, chayqa kaykunam: Waqllikuykuna, uywanakuykuna, millakuypaq ruwaykuna, manaña penqarikuspa qanrakuykuna,

Efesios 5:3

Qamkunaqa Diospa sapaqchakusqanmi kankichik, chaynaqa amañayá rimayllapas rimariychikchu huchapakuymantaqa chaynataq millakuypaq kaqkunamanta nitaq qollqella kuyay huchakunamantapas.

Deuteronomio 22:30

Taytanpa warmillanwanqa amam pipas kakunqachu. Chaynata ruwaspaqa taytantam penqayman churachkan.

Deuteronomio 27:20

¡Taytanpa warmillanwan kakuq runaqa, chay ruwasqanwan taytanta penqayman churasqanmantayá ñakasqa kachun! nispanku. Hinaptinmi llapa runakunañataq ninqaku: ¡Amén! nispanku.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

Apocalipsis 2:21

Jezabelmanqa qorqanim tiempota huchankunamanta wanakunanpaq, ichaqa manam munanchu chuchumika kaynin saqeyta.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

1~Samuel 2:24

Churillaykuna amayá kaykunataqa ruwaychikchu, llaqtantin runakunam qamkunamanta mana allinta rimanku.