1~Corintios 4:7 - CHUYA QELLQA La Biblia en Quechua de Ayacucho 2012

⁷ Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

Quechua Ayacucho Bible 1987

⁷ Chaynaqa ¿pitaq wakinmanta aswan allinta rurasurqanki? Imapas qampi kaqtaqa Diosmi qosurqanki. Pay qosuchkaptikiqa ¿imanasqataq alabakunki mana chaskiq hina?

Chuya Qellqa 1992

⁷ Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa ¿imanasqataq mana chaskiq hinaqa alabakunki?

1~Corintios 4:7 Iomraidhean Croise

Proverbios 2:6

Tayta Diosllam yachay qokuqqa, paypa siminmantam yachayqa hamun.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Lucas 19:13

Manaraq richkaspanmi chunka serviqninkunata qayaykuspan sapakamaman achka qollqeta saqeykarirqa: “Kutimunaykamam kay qollqewan negociota ruwachkankichik”, nispan.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

Romanos 12:6

Diosmi atiyta qowarqanchik imapas ruwananchikpaq. Chaytam qowanchik kuyawasqanchikman hina. Chaynaqa, sichum profetizananchikpaq qowaptinchikqa iñiyninchikman hinayá chaywan llamkasun,

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

1~Corintios 5:6

Chaynaqa, amayá alabakuykichikchu. ¿Manachu yachankichik aslla levadurapas achka masa poqochisqanta?

1~Corintios 7:7

Ñoqaqa munaymanmi llapallankupas ñoqa hina kanankuta, ichaqa Diosmi sapakamaman atiyta qon, wakinmanmi qon casado kananpaq, wakinmanñataq soltero kananpaq.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

1~Pedro 4:10

Sapakamayá Diospa atiynin chaskisqaykichikman hina yanapanakuychik, Diospa tukuy rikchaq kuyaykuyninmanta nanachikuq allin mayordomokuna hina.