1~Corintios 4:6 - CHUYA QELLQA La Biblia en Quechua de Ayacucho 2012

⁶ Wawqe-panikuna, qamkunapa allinnikichikpaqmi kaykunata qellqamuykichik, ñoqatawan Apolosta ejemplopaq churaspay, chaynapi Qellqapa nisqanman hinalla yachachinaykichikpaq hinaspa ama mayqannikichikpas hukninman sayapakuspa huknintañataq alabanaykichikpaq.

Quechua Ayacucho Bible 1987

⁶ Wawqe-panikuna, kaykunatam nimuykichik allinnikichikpaq ñoqatawan Apolosta ejemplopaq churaspay chaynapi Bibliapi qellqasqaman hinalla yachachinaykichikpaq hinaspa mana mayqannikichikpas hukninta despreciaspa huknintañataq alabanaykichikpaq.

Chuya Qellqa 1992

⁶ Wawqe-panikuna, qankunapa allinnikichikpaqmi kaykunata qellqamuykichik, ñoqatawan Apolosta ejemplopaq churaspay, chaynapi Qellqapa nisqanman hinalla yachachinaykichikpaq hinaspa ama mayqannikichikpas hukninman sayapakuspa huknintañataq alabanaykichikpaq.

1~Corintios 4:6 Iomraidhean Croise

Isaías 2:22

Mana valeq runapiqa ama hapipakuychikchu, runapa kawsayninqa huk samay hinallam.

Hechos 18:24

Chay punchawkunapim Éfeso llaqtaman chayarurqa judiokunamanta kaq Alejandría llaqtayuq Apolos. Payqa karqa Diospa palabranta allin yachaqmi hinaspa allin willakuqmi.

Hechos 19:1

Corinto llaqtapi Apolos kachkaptinmi, Pabloñataq tukuy orqonta rispan Éfeso llaqtaman chayarurqa. Chaypim wakin iñiqkunawan tuparuspan

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

1~Corintios 1:12

Kaytam nisqaykichik, qam-kunam kaynata ninakunkichik: Ñoqaqa Pablopam kani, ñoqaqa Apolospam kani, ñoqaqa Pedropam kani, ñoqañataqmi Cristopa kani, nispaykichik.

1~Corintios 1:19

Chuya Qellqapas kaynatam nin: “Yachaysapa runapa yachaynintam chinkarachisaq, yuyaysapa runapa yuyaynintam yanqacharusaq”, nispa.

1~Corintios 1:31

Imaynam Qellqapa kayna nisqanman hina: “Pipas alabakuyta munaspaqa Señor-mantayá alabakuchun”, nispa.

1~Corintios 13:4

Pipas kuyakuyniyuqqa pacienciakuqmi, imapas qokuykuqmi, manam envidiosochu, manam hatun tukuqchu, manam alabakuqchu,

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.

1~Corintios 3:21

Chaynaqa, amayá runakunamantaqa alabakuychikchu, llapallan ima kaqkunapas qamkunapam.

1~Corintios 5:2

Chaywanpas penqakuywan kanaykichikpas kachkaptinmi hatun tukunkichikraq. Chayna ruwaq runataqa qamkuna ukumanta qarqoychik.

1~Corintios 5:6

Chaynaqa, amayá alabakuykichikchu. ¿Manachu yachankichik aslla levadurapas achka masa poqochisqanta?

1~Corintios 8:1

Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

1~Corintios 9:23

Tukuy chaykunatam ruwani Cristomanta allin noticia willakunayrayku hinaspa allin noticiamanta allin kaqkuna chaskinayrayku.

2~Corintios 10:12

Ñoqaykuqa manam kikillanmanta alabakuqkunawanchu tupachikuniku, paykunaqa kikillankumanta hinaspa kikinkupura tupachikusqankutam qawa-chikunku.

2~Corintios 10:15

Ñoqaykuqa alabakuchkaniku manam hukkunapa llamkasqanmantachu, chay-napim suyachkaniku qamkunapa iñiy-nikichik wiñaptin astawanraq llamkayta, ichaqa chaytaqa ruwasaqku maymi llamkanallaykupim.

2~Corintios 10:7

Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta.

2~Corintios 11:4

Ichapas hukkaqnin hamuspan willasunkichikman mana ñoqaykupa willasqayku Jesusmanta otaq mana chaskisqaykichik espiritumanta otaq hukpa sutinpi salvakuymanta hinaptinqa qamkunaqa chayllachusmi chaskikuykuwaqchik.

2~Corintios 12:19

Kuyasqay wawqe-panillaykuna, ¿ichapas yuyaymanachkankichik ñoqaykuqa qayllaykichikpi pampachakuy mañakusqaykuta? Ñoqaykuqa Diospa qayllanpim Cristopa sutinpi rimachkaniku, tukuy chay rimasqaykuqa iñiynikichikpi wiña-naykichikpaqmi.

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

2~Corintios 12:6

Alabakuyta munaspayqa manam locoyachkanichu, ñoqaqa cheqapllatam rimachkani, ichaqa manam alabakusaqchu, chaynapi qawaqniykuna hinaspa uyariwaqniykuna mana aswanraq imatapas ñoqamanta piensanankupaq.

2~Corintios 4:15

Tukuy chaykunataqa ñakarirqaniku allinnikichikpaqmi, chaynapi achkallaña runakuna Diospa kuyakuyninta chaskispa aswan-aswan Diosman graciasta qospa hatunchanankupaq.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

1~Tesalonicenses 1:5

Qamkunaman Cristomanta allin noticia willasqaykutaqa manam rimayllachu-rimarqaniku, aswanqa Chuya Espiritupa atiyninwanmi chayachimurqaykiku, ñoqaykupas cheqappaq hapispaykum willarqaykiku. Yachasqaykichikpi hinapas qamkunata kuyaspam allinta kawsarqaniku.

2~Timoteo 2:10

Chaymi akllasqankunata kuyasqayrayku tukuyta ñakarispay aguantachkani, chaynapi paykunapas Cristo Jesusnintakama salvakuspanku wiñay kawsayta haypanankupaq.