1~Corintios 4:5 - CHUYA QELLQA La Biblia en Quechua de Ayacucho 2012

⁵ Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

Quechua Ayacucho Bible 1987

⁵ Chaynaqa qamkunapas amayá juzgaychikchu manaraq tiempo chayamuchkaptinqa, suyaychikqa Señor hamuspan tutayaypi pakasqakunata achkiyman horqomunantayá. Paymi qawachinqa runakunapa sonqonpa munasqankunata, chayraqmi Dios alabanqa sapakamata.

Chuya Qellqa 1992

⁵ Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios atunchanqa.

1~Corintios 4:5 Iomraidhean Croise

Jobwan Sutichasqa Libro 12:22

Tutayay ukupi pakasqa kaqkunatam hurqomun, wañuypa tutayaynintapas achkiymanmi hurqomun.

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 12:14

Runaqa imataña ruwaspanpas, allin kaqta otaq mana allin kaqtaña ruwaspanpas, mana pipa rikusqantaña ruwaspanpas, Diospa juzgasqanmi kanqa.

Jeremías 16:17

Paykunapa imaynam kawsasqantaqa qawachkanim. Paykunapa mana allinkuna ruwasqankuqa qayllaypim kachkan, mana allinkuna ruwasqankuqa manam ñawiymantaqa pakasqachu kachkan.

Jeremías 23:25

Ñoqam chay llulla profetakunapa rimasqanta uyarirqani, sutiypiraqmi paykunaqa “mosqorunim, mosqorunim” nispa llullallata willakuchkanku.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Mateo 10:26

Chaynaqa, amayá runakunataqa manchakuychikchu. Manam imapas pakasqaqa kanmanchu aswanqa yachas-qam kanqa, mana yachasqa kaqkunapas yachasqam kanqa.

Mateo 24:30

Hinaptinmi runapa Churinpa señalnin cielopi rikuriykamunqa, chaymi kay pachapi llapallan runakuna llumpayta mancharikuspa waqanqaku; hinaspam runapa Churinta puyupi tukuy atiyniywan hinaspa kanchariyniywan hamuchkaqta rikuykunqaku.

Mateo 24:46

Mayna kusisqam kanqa sichum patronnin kutimuspa chayna ruwachkaqta tariykamuptinqa.

Mateo 25:21

Hinaptinmi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.

Mateo 25:23

Chaymi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.

Lucas 6:37

Amayá runamasikichiktaqa juzgaychikchu chaynapi mana juzgasqa kanaykichikpaq. Amayá pitapas condenaychikchu chaynapi mana condenasqa kanaykichikpaq. Runamasikichiktaqa pampachaychikyá chaynapi pampachasqa kanaykichikpaq.

Juan 21:22

Chaymi Jesusñataq nirqa: Munaptiyqa payqa kawsanmanmi kutimunaykamapas, ¿imataq qamtaqa qokusunki? Qatiway, nispa.

Juan 21:23

Chaymi iñiqkuna ukupi noticia karqa: “Chay discipuloqa manas wañun-qachu”, nispanku. Jesusqa nichkarqa manam mana wañunanmantachu, payqa nirqa: “Munaptiyqa payqa kawsanmanmi kutimunaykamapas, ¿imataq qamtaqa qokusunki?”, nispam.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Romanos 14:4

Hukpa sirvientenkunata juzganaykipaqqa, ¿pitaq qamqa kanki? Patronninchiki sirvientenkunataqa allin otaq mana allin kasqanmantapas juzganqa. Señormi sirvientenkunataqa atiyninwan allinman hurqonqa.

Romanos 2:1

Chaynaqa, manam imananchu pim kasqaykipas, sichum runamasikita juzgaspaqa, paykuna hina huchallikusqaykiraykum kikillayki sentenciakuchkanki; chayraykum mana imayna librakuyta atiwaqchu.

Romanos 2:16

Chaynataqa ruwanqa Jesucris-tontakama llapallan runakunata Dios juzganan punchawpim. Chay punchawpim runapa sonqonpi pakasqa kaqkunatapas Dios juzganqa, imaynam kay allin noticia willakusqayman hina.

Romanos 2:29

Cheqap judío kayqa ukumantam, señalachikuypas sonqopim, chayqa Espirituman hinam, manam letraman hinachu. Chayna ruwaqtaqa manam runachu alaban aswanqa Diosllam.

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

1~Corintios 1:7

Chaynapi Señorninchik Jesucristo rikurimunanta suyasqaykichikpi, Diospa qosusqaykichik mayqan atiyninpas mana pisisunaykichikpaq.

1~Corintios 11:16

Chaynaqa, pipas kaymanta atipanakuyta munaspaqa yachachunyá, ñoqanchikpipas chaynataq iglesiakunapipas chay costumbreqa manam kanchu.

1~Corintios 11:26

Kay tantata sapa kuti mikuspam, kay copamanta tomaspam Señorpa kutimunankama wañusqanmanta willakunkichik.

1~Corintios 15:23

Ichaqa sapakamam qatinasninpi kawsarimunqa: Cristom puntata kawsarimurqa, pay hamuptinñataqmi iñiqninkunapas kawsarimunqa.

1~Corintios 3:13

hinaptinqa sapakamapa llamkasqanmi juicio punchawpi qawasqa kanqa, chay punchawmi sapakamapa ruwasqanta nina pruebanqa allin kaptin otaq mana allin kaptinpas.

1~Corintios 3:14

Pipapas perqasqan ninawan pruebasqa kachkaspan mana ruparuptinqa pagontam chaskinqa.

1~Corintios 3:8

Tarpuqwan parqoqqa chay hinallam kanku, ichaqa llamkasqankuman hinam sapakamaman Dios pagapunqa.

2~Corintios 10:18

Kikillan-manta alabakuqqa manam chaskisqachu kanqa, aswanqa Señorpa alabasqanmi chaskisqaqa kanqa.

2~Corintios 10:9

Amayá piensay-chikchu: “Pabloqa cartallawanmi manchachiwanchik”, nispaykichikqa.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

1~Tesalonicenses 5:2

Yachasqaykichikpi hinapas mana yachasqanchik punchawpim Señorqa hamunqa, payqa hamunqa tutallan suwa hamuchkaq hinam.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Santiago 4:11

Wawqe-panillaykuna, huknikichikkunapa qepanpiqa amayá mana allintaqa rimaychikchu. Pipas runamasinpa qepanpi mana allinta rimaspaqa otaq juzgaspaqa, leypa contranpim rimachkan hinaspam leyta juzgachkan. Leyta juzgaspaqa manam leypa nisqantachu kasukuchkanki, aswanqa juezñam rikurirunki.

Santiago 5:7

Chaynaqa, wawqe-panillaykuna, Señor-ninchik kutimunankamayá paciencia-kuychik. Chakrapi llamkaqpas allin-ta cosechananpaqqa tarpuy paratawan poqoy paratam pacienciawan suyan.

Santiago 5:9

Wawqe-panillaykuna, amayá qamkunaqa quejanakuychikchu, chaynapi ama castigasqa kanaykichikpaq, punkupi hinallañam juzgawaqninchikqa kachkan.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

1~Pedro 5:4

Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.

2~Pedro 3:12

Diospa punchawnin chayamunanta chaylla suyaychik, chay punchawmi cielokuna ninawan kañasqa kanqa, tukuy imapas rupaywanmi chullunqa.

2~Pedro 3:4

paykunam asikuspa tapukunqaku: Cristom hamunanpaq prometekurqa, ¿maytaq hamunchu? Ñawpaq taytanchikkunapa wañukusqanmantaraqmi tukuy imapas hina kaqlla kachkan, chaynaqa kachkan kay pacha unanchasqa kasqanmantaraqmi, nispanku.

Judas 1:14

Paykunamantam Adanpa qanchis kaq miraynin Enocpas kaynata profetizarqa: “Qawaychik, Señormi wara-waranqantin akllasqankunawan hamuchkan.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.