1~Corintios 4:15 - CHUYA QELLQA La Biblia en Quechua de Ayacucho 2012

¹⁵ Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesus-manta allin noticiata willaspa payman iñichisqayraykum ñoqaqa taytaykichik hina kani.

Quechua Ayacucho Bible 1987

¹⁵ Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesusmanta allin noticiata willaspa payman iñisqaykichikraykum ñoqaqa taytaykichik hina kani.

Chuya Qellqa 1992

¹⁵ Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesusmanta allin noticiata willaspa payman iñichisqayraykum ñoqaqa taytaykichik hina kani.

1~Corintios 4:15 Iomraidhean Croise

Números 11:12

¿Ñoqa-qa paykunapa tayta mamanchu kar-qani ñuñuq wawata hina ñawpaq tay-tankuman prometesqayki allpaman marqayniypi apanaypaq?

Romanos 15:20

Chaynatam kallpanchakurqani Cristomanta manaraq yachasqanku llaqtakunapi allin noticiakuna willakuyta. Chaynataqa ruwarqani hukpa hatarichisqanman mana chapukunaypaqmi.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 15:1

Kunanqa wawqe-panikuna, Cris-tomanta allin noticia willasqaytam yuyarinaykichikta munani, chayqa chaskisqaykichik noticiam, chaywantaqmi qamkunaqa qaqa hina sayachkankichik.

1~Corintios 3:10

Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

1~Corintios 3:6

Ñoqam tarpurqani, Apolosñataqmi parqorqa, ichaqa Diosmi wiñachirqa.

1~Corintios 3:8

Tarpuqwan parqoqqa chay hinallam kanku, ichaqa llamkasqankuman hinam sapakamaman Dios pagapunqa.

1~Corintios 9:12

Sichum hukkunapas qamkunamanta pagonta chaskichkaptinqa, ¿manachu ñoqaykuqa aswanraq chaskiymanku? Ichaqa manam chay derechoykutaqa chaskirqanikuchu, aswanqa kikiykum llamkakurqaniku, chaynapi Cristomanta allin noticia willasqayku mana yanqa-chasqa kananpaq.

1~Corintios 9:14

Chaynataqmi Señorpas kamachikurqa allin noticia willakuqkunaqa, willakusqankumanta mantienekunankupaq.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

1~Corintios 9:18

Chay premioyqa Cristomanta allin noticiata mana imallapaq willakuymi hinaspa derechoyta mana mañakuspa llamkayniymi.

1~Corintios 9:23

Tukuy chaykunatam ruwani Cristomanta allin noticia willakunayrayku hinaspa allin noticiamanta allin kaqkuna chaskinayrayku.

2~Corintios 4:5

Manam kikiykumantachu willakunikuqa, aswanqa Jesucristo Señor kasqanmantam, kikiykumantañataqmi Jesusta kuyasqaykurayku sirvientekichik kasqaykuta willakuniku.

Gálatas 3:24

Warmakunata pusachkaq hinallam leyqa Cristoman pusawarqanchik, chaynapi payman iñikuspallanchik mana huchayuqpaqña Diospa chaskisqan kananchikpaq.

Gálatas 3:25

Kunan iñiy chayaramuptinmi ichaqa manaña Moisespa leyninñachu pusawanchik.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

2~Timoteo 4:3

Chayamunqam tiempokuna allin yacha-chikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku.

Tito 1:4

Tito qamqa iñiypi churiymi kanki, Dios Taytanchikwan salvaqninchik Jesucristoyá kuyakuynintawan hawkayayninta qanman chaqchurimuchun.

Filemón 1:19

Ñoqa Pablom makiywanpuni qellqamuchkayki: “Ñoqam pagapusqayki”, nispa. Allilla rimaypiqa tukuy imayuq kasqaykimantawan pim kasqaykimantaqa qampas debewankim.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

1~Pedro 1:23

Qamkunaqa musoqmantam nacerqankichik, ichaqa manam wañuq tayta-mamamantachu, aswanqa Diospa kawsaq hinaspa takyaq palabranmantam.