1~Corintios 4:10 - CHUYA QELLQA La Biblia en Quechua de Ayacucho 2012

¹⁰ Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

Quechua Ayacucho Bible 1987

¹⁰ Ñoqaykutaqa upapaqmi hapiwanku Cristorayku, qamkunam ichaqa Cristopi yachaysapa kankichik. Ñoqaykutaqa hapiwanku mana kallpayoqpaqmi, qamkunam ichaqa kallpasapa kankichik. Runakunam qamkunata respetasunkichik, ñoqaykutañataqmi despreciawanku.

Chuya Qellqa 1992

¹⁰ Ñoqaykuqa Cristoraykum mana yachayniyuqpaq hapisqa kaniku, qamkunañataqmi ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata respetasunkichik, ñoqaykutañataqmi despreciawanku.

1~Corintios 4:10 Iomraidhean Croise

2~Reyes 9:11

Cuartomanta Jehú lloqsiramuspan reypa serviqnin capitankunaman asuykuptinmi tapurqaku: ¿Imanantaq? ¿Imapaqtaq wak loco qayasusqanki? nispanku. Chaymi Jehú nirqa: Wak runataqa reqsinkichikmi, rimas-qantapas yachankichiktaqmi, nispa.

Proverbios 11:12

Mana yachayniyuq runaqa runamasinmantam mana allinta riman, yachayniyuq runam ichaqa upallakun.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 18:9

Allinpaq hapikuspanku runamasinkuta usuchiqkunamanmi kay rikchanachiyta Jesús nirqa:

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.

Hechos 26:24

Chaynata Pablo rimarikuptinmi Festoñataq qaparirqa: ¡Pablo locoyarunkim, llumpay yachaynikim locoyarachisunki! nispa.

Hechos 9:16

Ñoqam payman qawachisaq ñoqarayku imaynam llumpay ñakarinanta.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 1:25

Diospa imapas yachachisqanqa runakuna mana valeqpaq hapichkaptinpas, runakunapa yachayninkumantaqa aswan yachayniyuqmi. Chaynataqmi Diospa imapas ruwasqanqa runakunapaq facilla rikchakapuptinpas, paykunapa ruwasqanmantaqa aswan atiywan ruwasqa kachkan.

1~Corintios 10:12

Chaynaqa, pipas qaqa hina sayasqanpaq hapikuqqa wichiykunanmanta cuidakuchun.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

1~Corintios 2:3

Qamkunamanmi mana kallpayuq hina hinaspa manchakuymanta katkatatastin hamurqani.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 3:2

Ñuñuq wawaman leche tomachichkaq hinam fácil kaqkunallata yachachirqaykichik, qamkunaqa manaraqmi mikuytaqa atirqankichikchu, kunanpas manaraqmi llasaq mikuytaqa atiwaqchikraqchu.

1~Corintios 4:8

Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

2~Corintios 11:19

Qamkunaqa yachayniyuq kachkaspam kusikuywanraq locokunata uyarinkichik.

2~Corintios 11:29

Pipas onqoptinqa, ¿manachu ñoqapas onqoni? Pipas huchaman urmaptinqa ¿manachu ñoqapas penqakuywan kani?

2~Corintios 13:9

Chaymi mana kallpayuq kaspaykupas, qamkunañataq kallpayuq kasqayki-chikmanta kusikuchkaniku, aswanraq-mi Diosta mañakuchkaniku mana huchayuqña kanaykichikpaq.

2~Corintios 4:12

Ñoqaykum wañunayachkanikuña, qamkunañataqmi aswanraq kawsarichkankichik.

2~Corintios 6:8

Hukpim alabasqa kaniku, hukpiñataqmi cheqnisqa, hukpim ñoqaykumanta allinta rimanku, hukpiñataqmi mana allinta, cheqapta rimachkaptiykupas llullakuqpaqmi hapiwanku.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.