1~Corintios 3:6 - CHUYA QELLQA La Biblia en Quechua de Ayacucho 2012

⁶ Ñoqam tarpurqani, Apolosñataqmi parqorqa, ichaqa Diosmi wiñachirqa.

Quechua Ayacucho Bible 1987

⁶ Ñoqam tarpuchkaq hina Cristomanta allin noticiata willakurqani, Apolosñataqmi *f**parqoq hina karqa, Diosñataqmi wiñachisurqankichik.

Chuya Qellqa 1992

⁶ Ñoqam tarpurqani, Apolosñataqmi parqorqa, ichaqa Diosmi wiñachirqa.

1~Corintios 3:6 Iomraidhean Croise

Proverbios 11:25

Kuyakuywan qokuykuq runaqa tukuy imayuqmi kanqa, runamasinman mikuykachiq runaqa saksachisqam kanqa.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 16:14

Chaypim kachkarqa Tiatira llaqta-yuq Lidia, paymi achka preciopa chanin morado telakunata rantikuq. Payqa Diosta yupaychaq kasqanraykum allinta uyarichkarqa, hinaptinmi sonqonta Señor kichaykurqa Pablopa nisqanta kasukunan-paq.

Hechos 18:24

Chay punchawkunapim Éfeso llaqtaman chayarurqa judiokunamanta kaq Alejandría llaqtayuq Apolos. Payqa karqa Diospa palabranta allin yachaqmi hinaspa allin willakuqmi.

Hechos 19:1

Corinto llaqtapi Apolos kachkaptinmi, Pabloñataq tukuy orqonta rispan Éfeso llaqtaman chayarurqa. Chaypim wakin iñiqkunawan tuparuspan

Hechos 21:19

Pablom paykunata rimaykuspan willakuyta qallaykurqa, imaynam paynintakama mana judío kaqkunapi Diospa tukuy imakunam ruwamusqanmanta.

Romanos 15:18

Aswanqa Cristopa imam ñoqantakama ruwasqallanmantam rimayta munani. Paymi atiyninta qowarqa willakuptiy hinaspa ruwaptiy mana judío kaqkunapas payta kasukunankupaq.

1~Corintios 1:12

Kaytam nisqaykichik, qam-kunam kaynata ninakunkichik: Ñoqaqa Pablopam kani, ñoqaqa Apolospam kani, ñoqaqa Pedropam kani, ñoqañataqmi Cristopa kani, nispaykichik.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 3:22

Pablopas, Apolospas, Pedropas, kay pachapas, kawsakuypas, wañuypas, kunan kaqpas, hamuq kaqpas, llapallanmi qamkunapa.

1~Corintios 3:7

Chaynapiqa tarpuqpas, parqoqpas manam imachu, aswanqa Diosllam plantakunataqa wiñachin.

1~Corintios 9:1

Ñoqaqa, ¿manachum apóstol kani? ¿Manachum libre kani? ¿Manachum Señorninchik Jesucristotaqa rikurqani? ¿Manachum qamkunapas Señorman iñichisqay kankichik?

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

1~Tesalonicenses 1:5

Qamkunaman Cristomanta allin noticia willasqaykutaqa manam rimayllachu-rimarqaniku, aswanqa Chuya Espiritupa atiyninwanmi chayachimurqaykiku, ñoqaykupas cheqappaq hapispaykum willarqaykiku. Yachasqaykichikpi hinapas qamkunata kuyaspam allinta kawsarqaniku.