1~Corintios 3:3 - CHUYA QELLQA La Biblia en Quechua de Ayacucho 2012

³ Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa, ¿manachum aychaman hinallaraq hinaspa runakunapa ruwasqanman hinallaraq kawsachkankichik?

Quechua Ayacucho Bible 1987

³ Qamkunaqa aychallapiraq kaspam envidianakunkichik hinaspa liryanakunkichik. Chaykunata ruraspaqa ¿manachum aychaman hinallaraq hinaspa runakunapa rurasqanman hinallaraq kawsachkankichik?

Chuya Qellqa 1992

³ Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa ¿manachum aychaman hinallaraq hinaspa runakunapa ruwasqanman hinallaraq kawsachkankichik?

1~Corintios 3:3 Iomraidhean Croise

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 1:11

Wawqe-panikuna, Cloepa ayllunmi niwan qamkuna ukupi liryanakuy kas-qanmanta.

1~Corintios 11:18

Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni.

1~Corintios 3:4

Qamkunam ninkichik: Ñoqaqa Pablopam kani, nispa. Wakinñataqmi ninku: Ñoqaqa Apolospam kani, nispa. Chaynakunata rimaspaqa, ¿manachu aychaman hinallaraq kawsachkankichik?

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

Gálatas 5:15

Sichum kikikichikpura kachunakuspa mikunakuspaykichikqa, cuidakuychikyá yanqañataq tuñichinakuspa tukunakuruwaqchik.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

Santiago 3:16

Maypim envidianakuykunapa hinaspa kikillanpaq imapas munaykunapa kasqanpiqa, kachkanraqmi chaqwanakuykuna hinaspa tukuy mana allin ruwaykuna.

1~Pedro 4:2

chaynapi kawsanankama Diospa munasqanpi purispa, manaña runakunapa munasqanman hina kawsananpaq.