1~Corintios 3:18 - CHUYA QELLQA La Biblia en Quechua de Ayacucho 2012

¹⁸ Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

Quechua Ayacucho Bible 1987

¹⁸ Amayá kikillaykichikqa engañakuychikchu. Pipas kay pachapi yachayman hinalla yachayniyoqqa mana yachaq hinam kanan cheqap yachayniyoq kananpaq.

Chuya Qellqa 1992

¹⁸ Amayá kikillaykichikqa engañakuychikchu, Pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 3:18 Iomraidhean Croise

Proverbios 26:12

Yachayniyuqpaq hapikuruq runamantaqa mana yachayniyuqmi aswan allinqa.

Proverbios 3:5

Tayta Diospiyá tukuy sonqoykiwan hapipakuy, kikikipa yachayllaykipiqa amayá hapipakuychu.

Proverbios 3:7

Amayá yachayniyuqpaqqa hapikuruychu, aswanqa Tayta Diosta kasukuspa mana allinmanta suchurikuy,

Proverbios 5:7

Chaynaqa, churilláy uyariwaspayá nisqaykunamanta ama rakikuychu.

Isaías 44:20

Cheqaptapunipas, chayna runaqa uchpallatam mikun, mana allin ruwayninmi sonqonta pantarachin. Chayna ruwaqkunaqa manam salvakuyta atinqakuchu, paykunaqa manam ninkuchu: Alleq makiypi kaqqa ¿manachum pantay? nispaqa.

Isaías 5:21

¡Ay, imaynaraq kanqaku yachaysapa tukuqkuna chaynataq kikillankumanta yuyaysapa tukuqkuna!

Jeremías 37:9

Ñoqa Tayta Diosmi nini: “Caldea tropakunaqa ripukunkuñam” nispaqa amayá engañakuychikchu, paykunaqa manam ripunqakuchu.

Jeremías 8:8

¿Imanasqataq ninkichik: Yachaysapam kaniku, Tayta Diospa yachachikuynintam hatalliniku, nispaqa? Qellqaqkunapas llullakunatam qellqachkanku, llullakuspankum yachachikuyniykunata qellqachkanku.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 18:4

Diospa munaychakuyninpiqa pipas kay warma hina uchuychakuqmi mayorqa.

Marcos 10:15

Cheqaptam nikichik, pipas wawakuna hina Diospa munaychakuyninta mana chaskispanqa, chay munaychakuymanqa manam yaykunqachu, nispa.

Lucas 18:17

Cheqaptam nikichik, pipas wawakuna hina Diospa munaychakuyninta mana chaskiqqa, manapunim chaymanqa yaykunqachu, nispa.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.

Romanos 12:16

Huk sonqolla kawsaychik, ama hatunchakuspa aswanqa humillakuspa kawsakuychik, amataq llumpay yachayniyuqpaqpas hapikuychikchu.

1~Corintios 15:33

Amayá engañachikuychikchu, mana allin rimaykunaqa allin kawsakuytam pierdechin.

1~Corintios 3:17

Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

1~Corintios 6:9

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

Gálatas 6:3

Sichum pipas mana imapas kachkaspa hatun tukuspanqa kikillantam engañakuchkan.

Gálatas 6:7

Amayá qamkunaqa engañakuychik-chu, Diostaqa manam pipas burlakunmanchu, runaqa imapas tarpusqantam cosechanqa.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

Santiago 1:22

Diospa palabranta ruwayman churaqyá kaychik, amayá uyariqllachu; chayna kaspaqa kikillaykichiktam engañakuchkankichik.

Santiago 1:26

Sichum pipas Dios yupaychaq kasqanpaq hapikuchkaspa, rimasqantañataq mana controlakuq runaqa, kikintam engañakuchkan, Diosta yupaychasqanpas yanqapaqmi kanqa.

1~Juan 1:8

Mana huchayuqmi kani nispan-chikqa kikillanchiktam engañakuchkanchik, hinaptinqa cheqap kaqqa manam ñoqanchikpiqa kanchu.