1~Corintios 3:17 - CHUYA QELLQA La Biblia en Quechua de Ayacucho 2012

¹⁷ Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.

Quechua Ayacucho Bible 1987

¹⁷ Pipas Diospa templon tuñichiqtaqa paymi chinkarachinqa, Diospa templonqa payllapaqña sapaqchasqam, chay temploqariki qamkunam kankichik.

Chuya Qellqa 1992

¹⁷ Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.

1~Corintios 3:17 Iomraidhean Croise

Génesis 28:17

Mancharikuspam nirqa: Manchakuypaqmi kay lugarqa kasqa. Kayqa Diospa wasinmi hinaspa hanaq pachapa punkunmi, nispa.

1~Crónicas 29:3

Tukuy ima alistasqaymantapas, Diosniypa templonta kuyasqayraykum kikiypa kaqmantapas qoni: Qorita, qollqeta,

Éxodo 3:5

Chaymi Dios nirqa: Ama asuykamuwaychu, usutaykita hurqokuy, sarusqayki allpaqa ñoqapaq sapaqchasqam, nispa.

Isaías 64:11

Qampaq sapaqchasqa kuyayllapaq temploykum kañasqa kachkan, ñawpaq taytakupa yupaychasunayki suma-sumaq temploykum, kañasqa kachkan. Llapallan kuyasqayku kaqkunapas lliwmi purmachkan.

Ezequiel 43:12

Templomanta kamachikuyqa kaymi: Moqopa hawanpi tarikuq templopa muyuriqninmi Diosllapaqña sapaqchasqa kanqa.

Ezequiel 5:11

Ñoqa Tayta Diosmi kikiyrayku jurani: Qamkunam cheqnisqay idolokunawan temployta millakuypaqta ruwarqankichik, chayraykum qamkunatapas mana llakipayarispay ñakarichisqaykichik, manañam kuyapayasqaykichikñachu.

Ezequiel 7:22

Kay llaqtata qepancharuptiymi temploytapas millakuypaqtaña ruwarunqaku. Salteaqkunam yaykuruspanku millakuypaqtaña ruwarunqaku.

Levítico 15:31

Chaynatam Israelpa mirayninkunata tukuy millakuypaq kaqninkunamanta chuyanchankichik, chaynataqa ruwankichik paykunapa chawpinpi yachanay carpata millakuypaqta ruwaruspa ama wañurunankupaqmi.

Levítico 20:3

Ñoqapas chay runapa contranpi sayarispaymi llaqtanmanta chinkarachisaq, Moloc idoloman churinta ofrecespan santuarioytapas chaynataq chuya sutiytapas penqayman churasqanrayku.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Números 19:20

Millakuypaq kachkaspa mana chuyanchakuq runaqa, ñoqaman asuykamuwanaykichik carpata qachachasqanraykum llaqtamanta chinkachisqa kanqa. Chuyanchana yakuwan mana challachikusqanraykum payqa millakuypaq kanqa.

1~Corintios 3:16

¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta?

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.