1~Corintios 3:10 - CHUYA QELLQA La Biblia en Quechua de Ayacucho 2012

¹⁰ Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

Quechua Ayacucho Bible 1987

¹⁰ Ñoqaqa kani maestro albañil hinam, Diosmi yachachiwarqa cimientota churanaypaq, hukñataqmi chaypa hawanman hatarichichkan, chay hatarichiqkunaqa sapakamam cuidadowan rurananku.

Chuya Qellqa 1992

¹⁰ Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

1~Corintios 3:10 Iomraidhean Croise

2~Crónicas 2:12

Kay pachatapas hanaq pachatapas unanchaq Israelpa Diosninyá yupaychasqa kachun. Paymi rey Davidman qoykurqa yachaysapa, allin tanteoyuq, allin yuyayniyuq churita, chaynapi Tayta Diospa templontawan yachanan palaciota ruwananpaq.

Éxodo 36:4

Chayraykum carpa ruwaq maestrokuna sapakama llamkayninkuta saqeykuspa hamuspanku,

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Proverbios 9:1

Yachaymi wasinta hatarichin, qanchis pilarninkunatam labrarachin,

Eclesiastés 12:9

Predicadorqa, aswan yachayniyuq kasqanman hinam imam yachasqanta runakunaman yachachirqa. Sumaqta uyariykuspa, sumaqta qatipaykuspanmi achka sumaq yachachikuykunata qellqarqa.

Daniel 12:3

Yachayniyuq runakunam, achkallaña runakunata allin ñanninta pusaqkunam, chuyay-chuyay kichasqa cielo hina kancharinqaku, chaskakuna hinam wiñaypaq kancharinqaku.

Zacarías 4:9

Zorobabelmi kay templopa cimientonkunata churarqa, hina kikintaqmi qespichinqapas, nispa. Chaynapim yachankichik Tukuy Atiyniyuq Tayta Dios kachamuwasqanta.

Mateo 24:45

¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Mateo 7:24

Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun.

Lucas 11:35

Chaynaqa, cuidakuyá, qampi achkiy ama tutayarunanpaq.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Hechos 18:27

Acaya lawman Apolos rinanpaq kaptinmi, Éfeso llaqtapi wawqe-panikuna kallpanchaspanku, chay llaqtapi kaq iñiqkunaman cartata qellqarqaku, chaynapi Apolos chayaptin allinllata chaskiykunankupaq. Chay llaqtaman Apolos chayaruspanmi, Diospa kuyakuyninman hina iñiqkunata llumpayta yanaparqa.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

Romanos 15:15

Kay cartataqa mana imatapas pakaykuspam qellqamuchkaykichik, tukuy kaykunata mana qonqarunaykichikpaq. Kaytaqa ruwachkani Diospa kuyakuyninman hinam.

Romanos 15:20

Chaynatam kallpanchakurqani Cristomanta manaraq yachasqanku llaqtakunapi allin noticiakuna willakuyta. Chaynataqa ruwarqani hukpa hatarichisqanman mana chapukunaypaqmi.

1~Corintios 3:11

Manam pipas sapaq cimiento churaytaqa atinmanchu cimiento churasqaña kachkaptinqa, chay cimientoqa kikin Jesucristom.

1~Corintios 9:2

Wakinkunapaq mana apóstol kaptiypas qamkunapaqmi ichaqa apóstol kani, qamkunata Señorman iñichisqaymi sello hina sutilla apóstol kasqaymanta kachkan.

2~Corintios 10:15

Ñoqaykuqa alabakuchkaniku manam hukkunapa llamkasqanmantachu, chay-napim suyachkaniku qamkunapa iñiy-nikichik wiñaptin astawanraq llamkayta, ichaqa chaytaqa ruwasaqku maymi llamkanallaykupim.

Efesios 2:20

Qamkunaqa apostolkunapa hinaspa profetakunapa hawanpi perqasqa wasi hinam kankichik, chay cimientopa esquinanpi hapiq rumiñataqmi kikin Jesucristo.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.

Colosenses 4:17

Wawqenchik Arquipotapas niychiktaqyá Señorninchik Jesucristopa kamachisqanta paypa sutinpi ruwayman churananpaq.

1~Tesalonicenses 3:2

Hinaspam wawqenchik Timoteota kachamurqaykiku. Paymi Diosta servispa Jesucristomanta allin noticia willakuypi yanapawanku. Paymi iñiynikichikpi qaqa hina sayanaykichikpaq kallpanchasunkichik,

1~Timoteo 4:16

Kikikitayá cuidakuy hinaspa imam yachachisqaykimantapas. Chaypitaqyá takyay, chaynata ruwaspam kikikipas salvakunki chaynataq uyarisuqnikikunatapas salvanki.

2~Timoteo 2:15

Kallpanchakuyá Diospa chaskisqan kanaykipaq, allin llamkaq hinayá mana imamantapas penqakuspa Diospa cheqap palabranta allinta yachachiy.

Santiago 3:1

Wawqe-panillaykuna, amayá qam-kuna ukupiqa llumpay yachachi-kuqkunallañaqa kaychikchu, yachas-qaykichikpi hinapas yachachikuqkunaqa aswan juzgasqam kasunchik.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

2~Pedro 3:15

Amayá qonqay-chikchu, Señorninchikpa paciencianqa salvawananchikpaqmi. Chaynatam kuyasqa wawqenchik Pablopas qellqamusurqankichik Diospa yachay qosqanman hina.

Apocalipsis 21:14

Llaqtapa muyuriqninpi perqakunapas kasqa chunka iskaynin cimientoyuqmi, sapa cimientopiñataqmi qellqasqa kasqa Corderopa chunka iskayniyuq apostolninkunapa sutinkupas.

Apocalipsis 21:19

Chay llaqtapa perqanpa cimientonkunaqa kasqa tukuy rikchaq suma-sumaq alhaja rumikunawan adornasqam: Punta cimientom kasqa jaspemanta, iskay kaqñataqmi zafiromanta, kimsa kaqñataqmi agatamanta, tawa kaqñataqmi esmeraldamanta,