1~Corintios 2:14 - CHUYA QELLQA La Biblia en Quechua de Ayacucho 2012

¹⁴ Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

Quechua Ayacucho Bible 1987

¹⁴ Mana iñiq runaqa manam chaskinmanchu Diospa Espiritunmanta kaqkunataqa, paypaqa rikchakapun yanqapaqmi, manataqmi entiendenmanchu Espirituman hina entiendena kasqanrayku.

Chuya Qellqa 1992

¹⁴ Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

1~Corintios 2:14 Iomraidhean Croise

Proverbios 14:6

Hatun tukuq runaqa yachayta maskaspapas manam tarinchu, yuyaymanayniyuq runapaqmi ichaqa yachay tariypas mana sasachu.

Mateo 16:23

Hinaptinmi muyuriykuspan Pedrota Jesús nirqa: ¡Anchuy ñawpaqniymanta Satanás! Qamqa pantachiwaytam munachkanki, qamqa manam Diospa munasqanman hinachu tanteanki, aswanqa runakunapa tanteasqanman hinallam, nispan.

Juan 10:20

Achkaqmi nirqaku: Imapaqmi uyarinkichik, payqa demonioyuq locom, nispanku.

Juan 12:37

Achkallaña milagrokunata ruwach-kaptinpas Jesuspiqa manam creerqakuchu.

Juan 14:17

Cheqap Espiritutaqa kay pachapi kaqkunaqa manam chaskinmankuchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapitaqmi kanqa.

Juan 14:26

Kallpanchakuq Chuya Espíritu ñoqapa sutiypi Taytaypa kachamusqanmi ichaqa qamkunaman tukuy imata yachachisunkichik, hinaspam tukuy ima nisqaykunata yuyachisunkichik.

Juan 15:26

Ichaqa kallpanchasuqnikichik cheqap Espiritutam Taytaypa rantinpim kachamusaq, paymi ñoqamanta willasunkichik.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Juan 8:43

¿Imanasqataq rimasqaykunataqa mana entiendenkichikchu? Palabray-kunata mana uyariy munasqaykichikrayku.

Hechos 16:14

Chaypim kachkarqa Tiatira llaqta-yuq Lidia, paymi achka preciopa chanin morado telakunata rantikuq. Payqa Diosta yupaychaq kasqanraykum allinta uyarichkarqa, hinaptinmi sonqonta Señor kichaykurqa Pablopa nisqanta kasukunan-paq.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.

Hechos 18:15

Sichum rimasqaykichikmanta, sutikunamanta hinaspa leynikichikmanta quejaykichik kaptinqa, kikikichikyá imaynatapas allichakuychik, chaykunamanqa manam chapukuymanchu, nispan.

Hechos 25:19

Religionnillanmantawan Jesús sutiyuq runapa wañusqallanmantam paypa contranpi tukuy imata rimarqaku. Paymantam Pablo nirqa: “Payqa kawsachkanmi”, nispa.

1~Corintios 1:18

Chinkasqakunapaqqa, Cristopa cruzpi wañusqanmanta willakuyqa mana valeqpaq hapisqam, salvakuy munaqkunapaqmi ichaqa kay willakuyqa atiyniyuq.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 1:25

Diospa imapas yachachisqanqa runakuna mana valeqpaq hapichkaptinpas, runakunapa yachayninkumantaqa aswan yachayniyuqmi. Chaynataqmi Diospa imapas ruwasqanqa runakunapaq facilla rikchakapuptinpas, paykunapa ruwasqanmantaqa aswan atiywan ruwasqa kachkan.

1~Corintios 15:44

Pampanchikqa aycha cuerpollatam, kawsarimunqam ichaqa espirituman hina cuerpoyuqña, kanmi kay pachamanta kaq cuerpo, kantaqmi hanaq pachamanta cuerpopas.

1~Corintios 15:46

Manam espiritumanta kaqchu punta cuerpoqa aswanqa aychamanta kaqmi, chaymantañam Espiritumanta cuerpoqa.

1~Corintios 2:12

Ñoqanchikpas manam kay pachapi espiritutachu chaskirqanchik, aswan-qa Diosmanta hamuq Espirituntam, chaynapi Diospa kuyakuyninman hina qowasqanchikta yachananchikpaq.

1~Corintios 3:1

Chaywanpas wawqe-panillaykuna, qamkunamanqa rimarimuykichik manam Chuya Espirituwan kawsaq runakunaman hinachu, aswanqa aychapa munasqallanpi kaqkunaman hinam, otaq Cristoman chayraq iñiqkunaman hinam.

Santiago 3:15

Chayna yachayqa manam Diosmantachu hamun, aswanqa kay pachallamantam, runapa tanteollanmantam hinaspa kikin diablomantam.

1~Juan 2:20

Qamkunamanmi ichaqa Chuya Espirituta Cristo qosurqankichik, chay-mi tukuy chaykunata yachankichik.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Judas 1:19

Paykunaqa rakinakuyllatam hata-richinku, aychankupa munasqantam ruwanku, paykunapiqa Diospa Espiri-tunpas manam kanchu.