1~Corintios 15:52 - CHUYA QELLQA La Biblia en Quechua de Ayacucho 2012

⁵² Huk ñawi qemchiyllatam trompetapa tukupay tocayninpi tikrasqa kasunchik, trompetata tocaykamuptinmi wañuqkuna kawsarimunqa manaña wañunankupaq, ñoqanchikpas tikrasqam kasunchik.

Quechua Ayacucho Bible 1987

⁵² Huk qemchiyllatam tikrasqa kasunchik qepa kaq cornetillata tocaykuptin. Hinaptinmi wañuqkuna kawsarimunqa manaña wañunankupaq, ñoqanchikpas tikrasqam kasunchik.

Chuya Qellqa 1992

⁵² Huk ñawi qemchiyllatam trompetapa tukupay tocayninpi tikrasqa kasunchik, trompetata tocaykamuptinmi wañuqkuna kawsarimunqa manaña wañunankupaq, ñoqanchikpas tikrasqam kasunchik.

1~Corintios 15:52 Iomraidhean Croise

Éxodo 19:16

Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Éxodo 20:18

Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 27:13

Hina chay punchawpim, hatun trompetata tocanqaku, hinaptinmi Asiriapi chinkasqakunawan Egiptoman qarqosqakunapas kutimunqaku, Jerusalén llaqtapi Tayta Diosta hatunchanankupaq, sapaqchasqan Sión moqopi Tayta Diosta hatunchanankupaq.

Ezequiel 33:3

Paymi llaqtaman enemigo hamuqta rikuruspanqa trompetata tocanqa, chaynapi llaqta runakuna enemigo hamusqanta yachanankupaq.

Ezequiel 33:6

Sichum enemigo hamuqta rikuchkaspa llaqta cuidaq mana trompetata tocanmanchu runakuna alistakunankupaq, chaynapi enemigokuna yaykuramuspa pitapas wañurachiptin chay runa hina huchallanpi wañuruptinqa, llaqta cuidaqtam cuentata mañasaq.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.

Números 10:4

Hukllanta tocachiptikiñataqmi, sapa ayllupi kamachikuqkunalla otaq Israel miraykunapi waranqa runakunapa kamachiqninkunalla qayllaykiman huñunakamunqaku.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Juan 5:28

Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq.

1~Corintios 15:23

Ichaqa sapakamam qatinasninpi kawsarimunqa: Cristom puntata kawsarimurqa, pay hamuptinñataqmi iñiqninkunapas kawsarimunqa.

1~Corintios 15:42

Chaynataqmi, wañuqkunapas kawsa-rimuspankuqa huk rikchayniyuq kanqaku. Wañuqta pampaptinchikqa ismurunmi, kawsarimuspanmi ichaqa manaña wañunqachu.

1~Corintios 15:50

Nikichikmi wawqe-panikuna, aychayuq yawarniyuq runaqa manam Diospa munaychakusqanmanqa yaykunqachu, tukuruqlla kaqpas manataqmi chaskinmanchu mana tukuq kaqtaqa.

1~Tesalonicenses 4:15

Kaykunataqa kikin Señorpa nisqan-man hinam nikiku, Señorpa kutimunankama qepaspa kawsaqkunaqa manam wañuqkunataqa ñawpasunchu.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

Apocalipsis 8:13

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.

Apocalipsis 8:2

Chaymantam rikurqani qanchis angelkunata Diospa qayllanpi sayachkaqta, paykunamanmi qanchis trompetakuna qosqa karqa.