1~Corintios 15:42 - CHUYA QELLQA La Biblia en Quechua de Ayacucho 2012

⁴² Chaynataqmi, wañuqkunapas kawsa-rimuspankuqa huk rikchayniyuq kanqaku. Wañuqta pampaptinchikqa ismurunmi, kawsarimuspanmi ichaqa manaña wañunqachu.

Quechua Ayacucho Bible 1987

⁴² Wañuqkunapas huk rikchayniyoqmi kanqaku kawsarimuspankuqa. Wañuqta pampaptinchikqa ismurunmi, kawsarimuspanmi ichaqa manaña wañunqachu.

Chuya Qellqa 1992

⁴² Chaynataqmi, wañuqkunapas kawsarimuspankuqa huk rikchayniyuq kanqaku. Wañuqta pampaptinchikqa ismurunmi, kawsarimuspanmi ichaqa manaña wañunqachu.

1~Corintios 15:42 Iomraidhean Croise

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Jobwan Sutichasqa Libro 17:14

Ñoqapaqqa taytaypas, mamaypas, wawqeykunapas; urukunawan pampakusqay uchkullañam.

Isaías 38:17

Llumpay llakiymi kusikuymanña tikrakurun, qamqa kuyawaspaykim wañuchiqniy pozomanta hurqoykuwarqanki, tukuy huchaykunatam pampachaykunki.

Daniel 12:3

Yachayniyuq runakunam, achkallaña runakunata allin ñanninta pusaqkunam, chuyay-chuyay kichasqa cielo hina kancharinqaku, chaskakuna hinam wiñaypaq kancharinqaku.

Mateo 13:43

Chuya kaqkunam ichaqa inti hinaraq Taytankupa munaychakuyninpi kancharinqaku. Haykam uyariqkunaqa kasukuychikyá.

Hechos 2:27

Cuerpoytapas amam sepulturapiqa saqerunkichu, kuyasqaykitaqa amam sepulturapi asnarinantaqa saqerunkichu.

Hechos 2:31

Chaynapim Davidqa qawachkanmanpas hina ñawpaqmantaraq Jesucristopa kawsarimunanmanta rimarqaña “Sepul-turapiqa manam saqesqachu kanqa, nitaqmi cuerponpas ismunqachu”, nispa.

Romanos 1:23

Wiñay kawsaq Tukuy Atiyniyuq Dios yupaychaytam tikrarunku, hinaspam wañuq runakunapa rikchaynintaña chaynataq alton pawaqkunapa, tawa chakiyuq animalkunapa, pampan puriq urukunapa rikchaynintaña yupaychanku.

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

Romanos 8:21

Lliw imapas unanchasqakunaqa tukuruqllam, ichaqa suyachkanmi Dios librananta. Churinkunata Dios hatunchaspan libraptinmi tukuy imapas paykunawan kuska librakunqa.

1~Corintios 15:41

Intipa achkiyninqa huk rikchaqmi killapa achkiyninmantaqa, huk rikchaqtaqmi sapakama chaskakunapa achkiyninpas.

Gálatas 6:8

Aychapa munasqallan tarpuqqa aychaman hinallam wañuyta cosechanqa. Chuya Espirituman hina tarpuqmi ichaqa, Chuya Espirituman hina wiñay kawsayta cosechanqa.

1~Pedro 1:4

Chaynapim qamkunapas chaskinkichik Diospa hanaq pachapi waqaychasqan herenciata, chayqa mana tukuqmi, mana qachachakuqmi, mana chakiqmi.