1~Corintios 15:34 - CHUYA QELLQA La Biblia en Quechua de Ayacucho 2012

³⁴ Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

Quechua Ayacucho Bible 1987

³⁴ Yuyaynikichikman kutirispayá ama huchallikuychikchu. Wakinnikichikqa manaraqmi Diosta reqsinkichikchu, penqarikunaykichikpaqmi kaytaqa nikichik.

Chuya Qellqa 1992

³⁴ Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

1~Corintios 15:34 Iomraidhean Croise

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Joel 1:5

Llapa sinkakuna rikcharispa waqaychik, vino upyayman qokuruqkuna allwaychik, vinom simikichikmanta qechusqa.

Jonás 1:6

Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Mateo 22:29

Jesusñataqmi nirqa: Qamkunaqa Qellqatapas chayna-taq Diospa atiynintapas mana req-sisqaykichikraykum pantaypi kach-kankichik.

Juan 5:14

Jesusmi tumpa unaymanta chay runawan templopi tuparurqa, hinaspam nirqa: Sanoyaruchkaspaykiqa amañam hucha-llikunkiñachu, yanqañataq imapas aswanraq hamusunkiman, nispa.

Juan 8:11

Warmiñataqmi nirqa: Manam pipas Señor, nispan. Hinaptinmi Jesusñataq nirqa: Ñoqapas manam condenaykichu, ripukuspayá amaña huchallikuyñachu, nispa.

Hechos 26:8

¿Imanasqataq qamkuna mana creenkichikchu wañuqkunata Dios kawsarichimunanta?

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 13:11

Kaywanqa yachanchikmi ima tiempopim kawsasqanchikta, ñam rikcharinaykichik horaña. Cristoman iñisqanchik punchawmantam ña hichpamuchkanña salvaykuwananchikpaq punchaw.

1~Corintios 4:14

Manam kaykunataqa qellqamuykichik penqachinaypaqchu aswanqa kuyasqay churiykunaman hina consejanaypaqmi.

1~Corintios 6:5

Kaytaqa nikichik penqakunaykichikpaqmi: ¿Manachu qamkuna ukupi kan pipas yachayniyuq, chaynapi wawqentin quejanakuptin allichananpaq?

1~Corintios 8:7

Ichaqa manam lliwchu cheqap kaqta yachanku. Chaymi ñawpaqta idolokuna yupaychaqkunaqa hinallaraq mikunku chaykunata yupaychachkaq hina, chayna-pim pisi iñiyniyuq kasqankurayku conciencianku acusan.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

1~Tesalonicenses 4:5

Amayá aychaykichikpa mana allinkuna munaynintaqa ruwaychikchu, Diosta mana reqsiq runakuna hinaqa.