1~Corintios 15:10 - CHUYA QELLQA La Biblia en Quechua de Ayacucho 2012

¹⁰ Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

Quechua Ayacucho Bible 1987

¹⁰ Ichaqa Dios favorecewaptinmi kunanqa apostolña kani, paypa favorecewasqanqa manamá yanqachu karqa, ñoqaqa llamkachkani wakin *f**apostolkunamantapas mastaraqmi, ichaqa manamá kikillaymantachu llamkachkaniqa aswanqa ñoqapi kaq Diospa favorninmi llamkarqa.

Chuya Qellqa 1992

¹⁰ Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 15:10 Iomraidhean Croise

Mateo 10:20

Manam qamkunachu rimankichikqa, aswanqa hanaq pachapi Taytaykichikpa Espiritunmi rantikichikpi rimanqa.

Mateo 25:16

Pichqa wayqa chaskiqmi chay qollqewan negociota ruwaspan pichqa wayqatawan mirarachirqa.

Romanos 11:1

Chaynaqa, tapukunim: ¿Israel llaqtantaqa Diosqa cheqnirunchu? ¡Manapunim! Ñoqapas Israelpa castanmi kani, Abrahampa mirayninmi, Benjamín ayllumanta kaqmi.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

1~Corintios 15:11

Manam imananchu ñoqa willakuptiypas otaq paykuna willakuptinkupas, kay willakusqaykuraykum qamkunapas iñirqankichik.

1~Corintios 15:2

Chay allin noticiawanmi qamkunaqa willasqayman hina salvasqa kankichik, mana chayqa yanqapaqchiki iñiwaqchik karqa.

1~Corintios 3:10

Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

1~Corintios 3:6

Ñoqam tarpurqani, Apolosñataqmi parqorqa, ichaqa Diosmi wiñachirqa.

1~Corintios 4:7

Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

2~Corintios 12:11

Qamkuna alabawanaykichik kachkaptinmi, loco hina kikillaymanta alabakurqani, ichaqa qamkunam chayta ruwachiwarqankichik. Ñoqaqa mana valeqña kaspaypas chay hatu-hatun apostolkunamantaqa manam menoschu kani.

2~Corintios 3:5

Manam ñoqaykuqa kikiykumanta ruway atiq hinachu, aswanqa tukuy ima ruwanaykupaq yachayqa Diosmantam hamun.

2~Corintios 6:1

Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu.

Gálatas 2:8

Kikin Diosmi, Pedrotaqa judiokunapa apostolnin kananpaq kamachirqa, chaynam ñoqatapas mana judío kaqkunapa apostolnin kanaypaq kamachiwarqa.

Filipenses 2:13

Diosmi munasqanman hina allin munayta hinaspa allin ruwayta qamkunapi hatarichin.

Filipenses 4:13

Kallpanchawaqniy Cristowanmi tukuy ima ruwayta atini.

1~Tesalonicenses 5:12

Wawqe-panillaykuna, ruegakamuy-kichikmi qamkuna ukupi llamkaqkunapaqyá reqsikuynikichik kachun, paykunaqa Señorpa rantinpim kama-chisuchkankichik hinaspa conseja-suchkankichik.

1~Timoteo 4:10

Chayraykum ñakaristinpas llamkanchik wiñay kawsaq Diosninchikpi hapipakuspa. Payqa llapa runapa salvaqninmi, ichaqa tukuymanta llalliqtaqa haykam iñiqkunatam salvan.