1~Corintios 14:6 - CHUYA QELLQA La Biblia en Quechua de Ayacucho 2012

⁶ Wawqe-panikuna, qamkunaman watukamuspay mana yachasqaykichik rimaykunapi rimapa-yaykichikman, ichaqa mana Diospa qawachiwasqantapas willaykichikmanchu, manataq imatapas reqsichikichikmanchu, nitaq qamkunaman profetizaymanchu hinaspa manataq imatapas yachachikichikmanchu chayqa, ¿ima allintaq qamkunapaq kanman?

Quechua Ayacucho Bible 1987

⁶ Wawqe-panikuna, sichu ñoqa watukamuspay rimapayaykichikman huk idiomakunapi hinaptinqa chayqa manam servisunkichikmanchu imapaqpas. Diospa revelawasqanta otaq yachasqayta willaptiymi ichaqa servisunkichik. Servisunkichiktaqmi imam pasananmanta willaptiypas chaynataq Diospa palabranmanta yachachiptiypas.

Chuya Qellqa 1992

⁶ Wawqe-panikuna, qamkunaman watukamuspay mana yachasqaykichik rimaykunapi rimapayaykichikman, ichaqa mana Diospa qawachiwasqantapas willaykichikmanchu, manataq imatapas reqsichikichikmanchu, nitaq qamkunaman profetizaymanchu hinaspa manataq imatapas yachachikichikmanchu chayqa, ¿ima allintaq qamkunapaq kanman?

1~Corintios 14:6 Iomraidhean Croise

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Mateo 16:26

¿Imatataq runa hurqokunman kay pachapi kaqkunata ganaruspan vidantañataq pierderuspan? ¿Haykatataq runa paganman vidanta salvananpaq?

Hechos 2:42

Paykunam apostolkunapa yachachikuyninpi takyarqaku, kapuqninkuwanmi yanapanakuqku, huk sonqollam tantatapas partenakuqku, Dios mañakuypipas hukllam karqaku.

Romanos 15:14

Wawqe-panillaykuna, ñoqaqa yachanim qamkunaqa allin runakuna kasqaykichikta hinaspa allin yachaypa huntasqan kasqaykichikta, chaywan allin consejokunata qonakunaykichikpaq.

Romanos 16:17

Wawqe-panillaykuna, ruegakamuy-kichikmi yachachikuykuna chaskisqaykichikpa contranpi kaqkunamantayá cuidakuychik. Paykunaqa iñiqkunata rakinachispankum pantachikuyllata ruwachkanku, paykunamantaqa karunchakuychik.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

1~Corintios 10:33

Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.

1~Corintios 14:1

Kuyakuyniyuq kayta maskaychik, Chuya Espiritupa atiyninkunata maskaychik, chaykunamanta aswan mastaqa profetizayta munaychik.

1~Corintios 14:7

Sichum tocanakunamanta qenapa, arpapa waqayninku huk tonolla kaptinqa, ¿imaynatataq yachachwan arpa kasqanta otaq qena kasqantapas?

2~Corintios 11:6

Nanay simi kaptiypas yachayniyqa manam chaynachu, chaytaqa tukuy ima ruwasqaykuwanmi qawachirqaykichik.

2~Corintios 12:1

Imatataq hurqokusaq kikiymanta alabakuspayqa. Aswanqa Señorpa qawachiwasqan musqoymantawan revelacionmantam willasqaykichik.

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Efesios 3:4

Chayta leespaykichikmi yachankichik Cristomanta pakasqa kaqkuna yachasqayta.

Filipenses 3:15

Chaynaqa, iñiypi haykam kallpayuq kaqkunaqa chay nisqaykunaman hinayá yuyaymanaychik. Imamantapas hukmanta piensaptikichikqa Diosninchikmi reqsichisunkichik.

2~Timoteo 2:14

Kay nisqaykunata yuyarichiy, ima rimaypipas Diospa qayllanpi ama atipanakunankupaq, chay ruwayninkuqa manam valenchu, aswanqa uyariqkunatam tuñichin.

2~Timoteo 3:10

Qanmi ichaqa yachachisqayman hapipakuspayki qatiwarqanki, imaynam kawsasqayta, imam munasqayta, iñiyniyta, pacienciakuq kasqayta, kuyakuq kasqayta, upallalla ñakarisqayta,

2~Timoteo 3:16

Chuya Qellqaqa llapallanmi Diospa yuyay qosqanman hina qellqasqa, allinmi yachachinapaq, pantaypi kasqanta qawachinapaq, pantaypi puriqta allin ñanman kutichinapaq chaynataq allin kawsakuyta yachachinapaq.

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

2~Pedro 1:5

Chayraykuyá kallpanchakuychik iñiynikichikman allin kawsakuyta yapanaykichikpaq; allin kawsakuymanñataq, yachayta;

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

2~Juan 1:9

Pantaruspa Jesucristopa yachachi-kuyninpi mana takyaq runapiqa Dios-qa manam kanchu. Jesucristopa yacha-chikuyninkunapi takyaq runapim ichaqa Dios Taytapas hinaspa Dios Churipas kachkan.

1~Samuel 12:21

Mana valeq idolokunataqa ama serviychikchu, chaykunaqa yanqam, manam yanapasunkichikmanchu nitaqmi librasunkichikmanchu.