1~Corintios 14:1 - CHUYA QELLQA La Biblia en Quechua de Ayacucho 2012

¹ Kuyakuyniyuq kayta maskaychik, Chuya Espiritupa atiyninkunata maskaychik, chaykunamanta aswan mastaqa profetizayta munaychik.

Quechua Ayacucho Bible 1987

¹ Kuyakuyniyoq kayta maskaspayá munaychik Chuya Espiritupa qosqankuna chaskiyta, chaymantapas aswan mastaqa munaychik Diosmanta willakuytayá.

Chuya Qellqa 1992

¹ Kuyakuyniyuq kayta maskaychik, Chuya Espiritupa atiyninkunata maskaychik, chaykunamanta aswan mastaqa profetizayta munaychik.

1~Corintios 14:1 Iomraidhean Croise

Proverbios 15:9

Tayta Diosqa millakunmi mana allin runapa ñannintaqa allin kawsakuq runatam ichaqa kuyan.

Proverbios 21:21

Allin kawsakuytawan kuyapayakuq kayta maskaqqa ancha reqsisqa kaytawan allin ruwayta hinaspa kawsakuytam tarinqa.

Isaías 51:1

Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Romanos 12:6

Diosmi atiyta qowarqanchik imapas ruwananchikpaq. Chaytam qowanchik kuyawasqanchikman hina. Chaynaqa, sichum profetizananchikpaq qowaptinchikqa iñiyninchikman hinayá chaywan llamkasun,

Romanos 14:19

Chaynaqa, hawkalla kawsakuytayá maskasun, chaynapi iñiqmasinchikkunawan aswan wiñachinakunanchikpaq.

Romanos 9:30

¿Imanisuntaq? Mana judío kaqkunapas Diosta mana ñawpaqta maskachkaspankupas, iñisqankuraykum Diospa pampachasqanña rikurirunku.

1~Corintios 12:1

Wawqe-panikuna, Chuya Espi-ritupa atiynin sapakamaman qowasqanchikmantam yachanaykichikta munani.

1~Corintios 12:31

Qamkunaqa Diospa allinnin atiynintayá maskaychik. Ñoqam ichaqa imaynam aswan allin kawsanaykichikta qawachisqaykichik.

1~Corintios 13:13

Kunanqa takyachkan iñiyllam, confianzawan suyayllam hinaspa kuyakuyllam. Kay kimsanmanta aswan allinqa kuyakuyllam.

1~Corintios 13:2

Sichum profetizayman, pakasqa kaqkunatawan, reqsiymantaq tukuy rikchaq yachaykunatapas chaynataq iñiyniypas kanman orqokunata maymi kasqanmanta suchuchinaypaq, mana kuyakuyniy kaptinqa manam imapaqpas valenichu.

1~Corintios 14:22

Chaynaqa, mana yachasqanchik rimaykunapi rimayqa huk señal hinam mana iñiqkunapaq, manam iñiqkunapaqchu, profetizaymi ichaqa llapa iñiqkunapaq huk señal hina.

1~Corintios 14:37

Pipas profetapaq otaq Chuya Espiritupa yachachisqanpaq hapikuspanqa yachachunyá qamkunaman kay qellqamusqayqa Señorpa kamachikuynin kasqanta.

1~Corintios 14:39

Wawqe-panikuna, profetizaytayá aswanqa munaychik, amataqyá mana yachasqa rimaykunapi rimanankutaqa harkakuychikchu.

1~Corintios 16:14

Kuyakuywanyá tukuy imatapas ruwaychik.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

1~Tesalonicenses 5:20

Amataqyá profeciakunatapas despreciaychikchu.

1~Timoteo 4:14

Qampi kaq Diospa atiynintaqa amayá qonqaruychu, chaytaqa profeciaman hina iglesiapi ancianokuna makinkuta hawaykiman churaykuspanku mañakuptinkum chaskirqanki.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.

2~Pedro 1:7

Dios yupaychaymanñataq, wawqe-panintin kuyanakuyta; wawqe-panintin kuyanakuymanñataq, runamasin kuyayta.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.

1~Samuel 10:5

Chaymanta pasaspaykim chayarunki Diospa akllakusqan moqoman, chaypim Filistea tropakuna kachkanku; llaqtaman yaykuspaykim profetakunawan tupanki, paykunaqa Diosta yupaychana orqomantam profetizastin uraykamuchkanku, ñawpaqnintañataqmi runakuna arpata, tinyata hinaspa qenata tocastin hamuchkanku.