1~Corintios 13:5 - CHUYA QELLQA La Biblia en Quechua de Ayacucho 2012

⁵ manam penqaypaq ruwaqchu, manam kikillanpaq munaqchu, manam piñakuqchu, nitaqmi cheqnikuqchu,

Quechua Ayacucho Bible 1987

⁵ manam penqaypaq ruraqchu, manam kikillanpaq munaqchu, manam piñakuqchu, nitaqmi cheqnikuqchu.

Chuya Qellqa 1992

⁵ manam penqaypaq ruwaqchu, manam kikillanpaq munaqchu, manam piñakuqchu, nitaqmi cheqnikuqchu,

1~Corintios 13:5 Iomraidhean Croise

2~Samuel 10:3

Amonpa kamachiqninkuna reyninku Hanunta nirqaku: ¿Creenkichu taytaykita kuyasqanrayku consuelasunaykipaq serviqninkunata David kachamusqanta? ¿Manachu serviqninkunataqa kachamusuchkanki llaqtata wateqaspa puchukarachinankupaq? nispanku.

Jobwan Sutichasqa Libro 21:27

Ñoqaqa yachakunim imam ruway munawasqaykichiktapas, yachakunitaqmi ima mana allinkuna piesasqaykichiktapas.

Proverbios 14:17

Chaylla piñakuruq runaqa mana allinkunallatam ruwan, allin tanteakuq runam ichaqa hawkalla kakun.

Isaías 3:5

Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Números 12:3

Moisesqa llapallan runakunamantapas llumpay uchuychakuqmi karqa.

Números 16:15

Hinaptinmi Moisesqa anchata piñakuruspan Tayta Diosta nirqa: Ofrendankutapas ama chaskiychu, paykunapataqa manam asnollankutapas hapikuykurqanichu, nitaqmi paykunataqa imanarqanipaschu, nispa.

Números 32:6

Chaymi Gadpa chaynataq Rubenpa mirayninkunata Moisés nirqa: ¿Aylluykichikkuna guerraman richkaptinchu qamkunañataq kaypi qepakuykunkichik?

Mateo 5:22

Ichaqa niki-chikmi, pipas wawqenpaq piñakuq-qa juzgasqam kanqa, wawqenta upalla-manta kamiqñataqmi cortepi juzgas-qa kanqa, pipas wawqenta ñakaq-ñataqmi infiernoman wischusqa kanqa.

Mateo 9:4

Chayna piensasqankuta yachaspanmi Jesús nirqa: ¿Imanasqataq mana allinkunata piensankichik?

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Lucas 7:39

Convidaqnin fariseoñataqmi chayta qawaykuspan piensarqa: “Sichum kay runa cheqaptapuni profeta kaspanqa, yachanmanmi imayna clasem kay llapchaqnin warmi kasqanta, kay warmiqa huchasapam”, nispan.

1~Corintios 10:24

Amayá pipas kikillanpa munasqantaqa maskachunchu, aswanqa wakinkunapa allinnintayá maskachun.

1~Corintios 10:33

Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.

1~Corintios 11:18

Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni.

1~Corintios 12:25

chaynapi cuerpopi kaqkunaqa mana rakinasqa kanankupaq, aswanqa llapanku hukninkumanta hukninkukama yanapanakunankupaq.

1~Corintios 7:36

Ichapas soltera churinmanta pipas piensanman: Harkakusqayraykum payayarunman, nispa. Chaynata piensaspan casarachiyta munaptinqa allinmi, casarachichunyá, manam chayqa huchachu.

2~Corintios 5:19

Diosmi Cristopi kachkarqa kay pachapi runakunata mana huchayuqpaqña hapispa kikinwan allinyanachinanpaq. Paymi kamachiwarqanchik allinyanakuymanta willakunanchikpaq.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Filipenses 2:21

lliwpas paykunaqa kikillankupa allinninkuta maskaspam purinku, Jesucristopa munasqanta mana maskaspanku.

Filipenses 4:8

Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

2~Tesalonicenses 3:7

Qamkunaqa yachankichikñam ñoqayku hina imaynam kawsaytaqa. Qamkunawan kaspaykuqa manam qella runakuna hinachu kawsarqaniku.

2~Timoteo 2:10

Chaymi akllasqankunata kuyasqayrayku tukuyta ñakarispay aguantachkani, chaynapi paykunapas Cristo Jesusnintakama salvakuspanku wiñay kawsayta haypanankupaq.

2~Timoteo 4:16

Ñawpaq kaq kutipi kamachikuqkunapa qayllanman rimanakunaypaq yaykuptiyqa manam pipas yanapaykuwarqachu, lliwchankum saqeruwarqaku. Diosninchikyá kay ruwasqankumantaqa pampachaykuchun.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.