1~Corintios 13:4 - CHUYA QELLQA La Biblia en Quechua de Ayacucho 2012

⁴ Pipas kuyakuyniyuqqa pacienciakuqmi, imapas qokuykuqmi, manam envidiosochu, manam hatun tukuqchu, manam alabakuqchu,

Quechua Ayacucho Bible 1987

⁴ Pipas kuyakuyniyoqqa pacienciakuqmi, imapas qokuykuqmi, manam envidiosochu, manam alto-tukuqchu, manam alabakuqchu,

Chuya Qellqa 1992

⁴ Pipas kuyakuyniyuqqa pacienciakuqmi, imapas qokuykuqmi, manam envidiosochu, manam hatun tukuqchu, manam alabakuqchu,

1~Corintios 13:4 Iomraidhean Croise

Génesis 30:1

Raquelmi qolluq kasqanrayku ñañanmanta envidiakuspan Jacobta nirqa: Wawakunata qoway mana chayqa wañurusaqmi, nispa.

Génesis 37:11

Chaymi Joseymanta wawqenkuna envidiakurqaku, taytanñataqmi chay willasqan mosqoymanta yuyaymanarqa.

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Proverbios 10:12

Cheqninakuyqa piñanakuyllatam qosnirichin, kuyakuymi ichaqa maynaña huchatapas tapaykun.

Proverbios 13:10

Hatun tukuq runaqa peleollatam hatarichin, yachaymi ichaqa uchuychakuqkunawan tarikun.

Proverbios 17:14

Qocharayaq yakuta kachaykuq runa hinam piñanakuyta qallarichiq runaqa, manaraq imapas kachkaptin chaymantaqa ayqekuy.

Proverbios 17:9

Pampachay yachaq runaqa kuyakuytam maskan, mana pampachay munaqmi ichaqa kuyaqninwanpas cheqnirachikun.

Proverbios 19:22

Runamantaqa suyanchik hapipakunapaq hina kanantam, llulla runamantaqa wakcha runam aswan allinqa.

Proverbios 31:20

Wakchakunamanwan mana piniyuqkunamanmi imallantapas qoykun.

Proverbios 31:26

Payqa yachaywanmi imatapas riman, ancha kuyakuywantaqmi yachachimpas.

Eclesiastés 10:4

Kamachikuqña qampaq piñakuruptinpas qasillalla kaspa pacienciakuy, pacienciakuymi ima pantaypaqpas hampiqa.

Mateo 27:18

Payqa yacharqam Jesustaqa envidiakuspanku entregaykusqankuta.

Hechos 7:9

Jacobpa churinkunam wawqenku Joseymanta envidiakuspanku rantikururqaku, chaymi Egipto nacionman aparurqaku. Ichaqa Diosmi Joseywan karqa,

Romanos 1:29

Chaymi paykunaqa kay mana allin ruwaypa huntasqan kachkanku: Waqllikuqkuna, millakuypaq kaqta ruwaqkuna, qollqella kuyaqkuna chaynataq hukpa kaqninta munapayaqkuna, runa wañuchiqkuna, kikillanpaq munaqkuna, engañakuqkuna peleolla kuyaqkuna, cuento qepikuna,

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

1~Corintios 3:3

Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa, ¿manachum aychaman hinallaraq hinaspa runakunapa ruwasqanman hinallaraq kawsachkankichik?

1~Corintios 4:18

Wa-kiqnikichikmi qari tukuqllaña riku-rirunkichik, yaqapas manaña qamkunaman chayaramunayta piensaspaykichik.

1~Corintios 4:6

Wawqe-panikuna, qamkunapa allinnikichikpaqmi kaykunata qellqamuykichik, ñoqatawan Apolosta ejemplopaq churaspay, chaynapi Qellqapa nisqanman hinalla yachachinaykichikpaq hinaspa ama mayqannikichikpas hukninman sayapakuspa huknintañataq alabanaykichikpaq.

1~Corintios 5:2

Chaywanpas penqakuywan kanaykichikpas kachkaptinmi hatun tukunkichikraq. Chayna ruwaq runataqa qamkuna ukumanta qarqoychik.

1~Corintios 8:1

Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

2~Corintios 6:6

Chaynataq chuyanchakuspayku, cheqap kaqta reqsispayku, pacienciakuspay-ku, sumaq sonqo kaspayku, Chuya Espirituyuq kaspayku, cheqapta kuyaspayku,

Gálatas 5:26

Amayá hatun tukuqqa kasunchu, hukninchikmanta hukninchikwanqa ama piñanakusunchu nitaq envidianakusunchu.

Efesios 4:2

Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

Efesios 4:32

Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Filipenses 1:15

Cheqaptapunipas wakinkunaqa envidiakuspa hinaspa cheqnikuspam Cristomanta willakunku, wakiqkunam ichaqa allin sonqowan willakunku.

Colosenses 1:11

Mañakuchkanikutaqmi hatu-hatun atiyninwan kallpanchasunaykichikpaqpas, chaynapi ima mana allintapas pacienciakuspa kusikuywanraq aguantanaykichikpaq,

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

1~Tesalonicenses 5:14

Wawqe-panillaykuna, ruegakamuy-kikum qellakunatapas qaqchanaykichikpaq, hukmanyasqakunatapas kallpanchanaykichikpaq, mana kallpayuqkunatapas yanapanaykichikpaq hinaspa llapallanwanpas pacienciakunaykichikpaq.

1~Timoteo 6:4

chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

2~Timoteo 3:10

Qanmi ichaqa yachachisqayman hapipakuspayki qatiwarqanki, imaynam kawsasqayta, imam munasqayta, iñiyniyta, pacienciakuq kasqayta, kuyakuq kasqayta, upallalla ñakarisqayta,

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

Santiago 4:5

Manam yanqachu Qellqaqa nin: “Ñoqanchikpi kawsaq Diospa Espi-ritunmi llumpa-llumpayta nanachikuwanchik”, nispa.

1~Pedro 2:1

Chaynaqa, saqeychikñayá mana allin ruwaykunata, engañakuykunata, iskay uya kayta, envidiakuykunata, cuento qepi kayta.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

2~Pedro 1:7

Dios yupaychaymanñataq, wawqe-panintin kuyanakuyta; wawqe-panintin kuyanakuymanñataq, runamasin kuyayta.

1~Juan 4:11

Kuyasqallaykuna, sichum Diosnin-chik kuyawachkaptinchikqa, ñoqan-chikpas chaynatam kuyanakunanchik.