1~Corintios 12:8 - CHUYA QELLQA La Biblia en Quechua de Ayacucho 2012

⁸ Espirituntakamam wakinman atiyta qon yachaywan rima-nanpaq, wakinmanñataq yuyaywan rima-nanpaq.

Quechua Ayacucho Bible 1987

⁸ Espirituntakamam wakinman qon yuyaywan rimananpaq, hina chay Espirituntakamallataqmi wakinmanpas qon yachaywan rimananpaq.

Chuya Qellqa 1992

⁸ Espirituntakamam wakinman atiyta qon yachaywan rimananpaq, wakinmanñataq yuyaywan rimananpaq.

1~Corintios 12:8 Iomraidhean Croise

Nehemías 9:20

Yachachinanpaqmi Espirituykita qorqanki, mikunankupaqpas mana pisiytam maná tantata qorqanki, yakumanta kaptinkupas mana pisiytam yakuta qorqanki.

Jobwan Sutichasqa Libro 32:8

Cheqaptapunipas runapiqa espiritum kachkan, Tukuy Atiyniyuq Diospa Espiritunmi runataqa entiendechin.

Éxodo 31:3

Bezaleeltam espirituywan huntaykuni chaynapi yachaywan, yuyaywan, allinta tanteaspa tukuy imata ruwananpaq,

Proverbios 2:6

Tayta Diosllam yachay qokuqqa, paypa siminmantam yachayqa hamun.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Hechos 6:3

Chaynaqa, wawqe-panillaykuna, qamkunamantayá Chuya Espiritupa huntasqan allin yachayniyuq hinaspa allin kawsakuyniyuq qanchis runakunata akllaychik, chaynapi paykunaña mikuyta aypunankupaq.

Romanos 15:14

Wawqe-panillaykuna, ñoqaqa yachanim qamkunaqa allin runakuna kasqaykichikta hinaspa allin yachaypa huntasqan kasqaykichikta, chaywan allin consejokunata qonakunaykichikpaq.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 1:5

Cristowan huklla kasqaykichikraykum Dios yanapasurqankichik allinta rimanaykichikpaq hinaspa allin yachayniyuq kanaykichikpaq.

1~Corintios 13:2

Sichum profetizayman, pakasqa kaqkunatawan, reqsiymantaq tukuy rikchaq yachaykunatapas chaynataq iñiyniypas kanman orqokunata maymi kasqanmanta suchuchinaypaq, mana kuyakuyniy kaptinqa manam imapaqpas valenichu.

1~Corintios 13:8

Kuyakuyqa wiñaypaqmi, profeciakunam ichaqa tukunqa, mana reqsisqanchik rimaypi rimaykunapas tukunqam, yachaypas manañam kanqañachu.

1~Corintios 14:26

Chaynaqa, wawqe-panillaykuna, huñunakuptikichikqa wakinmi takin-manku, wakinñataq yachachinmanku, wa-kinñataq Diospa revelasqanta willa-kunmanku, wakinñataq mana yachasqa rimayta rimanmanku, wakinñataq chay rimasqanta interpretanmanku. Tukuy kaykunatayá ruwaychik llapa iñiqkuna wiñananpaq.

1~Corintios 14:6

Wawqe-panikuna, qamkunaman watukamuspay mana yachasqaykichik rimaykunapi rimapa-yaykichikman, ichaqa mana Diospa qawachiwasqantapas willaykichikmanchu, manataq imatapas reqsichikichikmanchu, nitaq qamkunaman profetizaymanchu hinaspa manataq imatapas yachachikichikmanchu chayqa, ¿ima allintaq qamkunapaq kanman?

1~Corintios 2:11

Runapa piensasqankunataqa manam huk runaqa yachanchu, aswanqa kikin runapa espiritullanmi, chaynataqmi Diospa piensasqantapas mana pipas yachanchu, aswanqa kikin Diospa Espiritullanmi.

1~Corintios 2:16

¿Pitaq Señorpa piensasqanta yachanman? ¿Pitaq payta consejayta atinman? Ñoqanchikmi ichaqa Cristopa piensasqanman hina piensanchik.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:6

Nanay simi kaptiypas yachayniyqa manam chaynachu, chaytaqa tukuy ima ruwasqaykuwanmi qawachirqaykichik.

2~Corintios 2:14

Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

2~Corintios 6:6

Chaynataq chuyanchakuspayku, cheqap kaqta reqsispayku, pacienciakuspay-ku, sumaq sonqo kaspayku, Chuya Espirituyuq kaspayku, cheqapta kuyaspayku,

2~Corintios 8:7

Qamkunaqa lliwpim masyankichik: Iñiypi, yachachiypi, yachayniyuq kaypi, allin ruwaypi hinaspa ñoqayku kuyawaykupipas, chaynaqa kuyakuy ofrenda qoypipas masyaychikyá.