1~Corintios 12:11 - CHUYA QELLQA La Biblia en Quechua de Ayacucho 2012

¹¹ Aswanqa tukuy kaykunataqa ruwan kikin Chuya Espiritullam, paymi munasqanman hina sapakamaman kaykunataqa qon.

Quechua Ayacucho Bible 1987

¹¹ Aswanqa tukuy kaykunataqa ruran kikin Chuya Espiritullam, paymi munasqanman hina sapakamaman qon kaykunataqa.

Chuya Qellqa 1992

¹¹ Aswanqa tukuy kaykunataqa ruwan kikin Chuya Espiritullam, paymi munasqanman hina sapakamaman kaykunataqa qon.

1~Corintios 12:11 Iomraidhean Croise

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Mateo 11:26

Arí, Taytalláy, chaynatam munarqanki.

Mateo 20:15

¿Manachum qollqeywanqa munasqayta ruwayman? ¿Icha allin runa kasqaywanchu envidiakunki? nispa.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Juan 3:8

Wayraqa munasqanmantam pukumun, chaymi qaparisqanta uyarinki, ichaqa manam yachankichu maymantam hamusqanta nitaq maymanmi risqantapas. Chaynam Espiritumanta nacemuqkunapas, nispa.

Juan 5:21

Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon.

Romanos 12:6

Diosmi atiyta qowarqanchik imapas ruwananchikpaq. Chaytam qowanchik kuyawasqanchikman hina. Chaynaqa, sichum profetizananchikpaq qowaptinchikqa iñiyninchikman hinayá chaywan llamkasun,

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

1~Corintios 12:18

Chaynaqa, Diosmi cuerpopa partenkunataqa maymi munasqan sitiopi churarqa.

1~Corintios 12:4

Tukuy rikchaq atiykunam kan, Espiritum ichaqa hina kaqlla.

1~Corintios 12:6

Atiypa tukuy rikchaq ruwayninkunam kan, ichaqa kikin Diosllam atiyninwan llapa runakunapi ruwan.

1~Corintios 7:17

Imayna kaspapas sapakamam Señorpa qosqanman hina kawsanan hinaspa sapakamata Diospa qayasqanman hina, chaynatam llapa iñiqkunaman kamachini.

1~Corintios 7:7

Ñoqaqa munaymanmi llapallankupas ñoqa hina kanankuta, ichaqa Diosmi sapakamaman atiyta qon, wakinmanmi qon casado kananpaq, wakinmanñataq soltero kananpaq.

2~Corintios 10:13

Ñoqaykuqa manam alabakuymankuchu mana kaqmantaqa, Diosmi ñoqaykutaqa maypi llamkanaykupaqpas kamachiwanku, paytaqmi Corinto llaqtamanpas chayachimuwarqaku.

Efesios 1:11

Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Efesios 4:7

Ichaqa sapakamamanmi munas-qanman hina Jesucristoqa atiyta qowar-qanchik.

Hebreos 2:4

Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.