1~Corintios 12:10 - CHUYA QELLQA La Biblia en Quechua de Ayacucho 2012

¹⁰ wakinmanñataq milagrokuna ruwananpaq, wakinmanñataqmi pro-fetizananpaq, wakinmanñataq espiritukunata reqsinanpaq, wakinmanñataq mana reqsisqa rimaykunata rimananpaq, wakinmanñataq chay rimaykuna uya-risqanta interpretananpaq.

Quechua Ayacucho Bible 1987

¹⁰ wakinmanñataq *f**milagrokunata rurananpaq, wakinmanñataq Diospa revelasqanta chaskispan willakunanpaq, wakinmanñataq mana allin espiritukunamanta cheqap Espirituta reqsinanpaq, wakinmanñataq mana yachasqan idiomakunata rimananpaq hinaspa wakinmanñataq chay idiomakuna uyarisqanta entiendechinanpaq.

Chuya Qellqa 1992

¹⁰ wakinmanñataq milagrokuna ruwananpaq, wakinmanñataqmi profetizananpaq, wakinmanñataq espiritukunata reqsinanpaq, wakinmanñataq mana reqsisqa rimaykunata rimananpaq, wakinmanñataq chay rimaykuna uyarisqanta interpretananpaq.

1~Corintios 12:10 Iomraidhean Croise

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Marcos 16:17

Ñoqapi iñiqkunam kaykunata ruwanqaku: Sutiypim demoniokunata qarqonqaku, musoq rimaykunatam rimanqaku,

Marcos 16:20

Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].

Lucas 24:49

Qamkunamanmi Taytaypa prometesusqaykichikta kachamusaq, chaykamayá kay Jerusalén llaqtallapi suyaykuychik, hanaq pachamanta hamuq atiywan pachallisqa kanaykichikkama, nispa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Juan 16:13

Cheqap Espíritu hamuspanñam pusasunkichik tukuy imapas cheqap kaqkunaman, payqa manam kikillanmantachu rimanqa, aswanqa llapa imapas uyarisqanmantam; hinaspam willasunkichik hamuq punchawkunapi imakunam pasakunanmanta.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 11:27

Chay punchawkunapim profetakuna Jerusalenmanta Antioquiaman rirqaku.

Hechos 11:28

Paykunamantam hukninku Agabo sutiyuq sayarispan, Chuya Espiritupa yanapakuyninwan nirqa: Tukuy kay pachapim hatun yarqay kanqa, nispa. Chaymi cheqaptapuni pasakurqa emperador Claudiopa tiemponpi.

Hechos 19:6

Hinap-tinmi hawankuman Pablo makinta churaykuptin, Chuya Espíritu paykunaman huntaykurqa, chaymi mana yachasqanku rimaykunapi rimaspa profetizarqaku.

Hechos 5:3

Hinaptinmi Pedro nirqa: Ananías, ¿imanasqamá Satanasqa sonqoykita munaychakurun, chaynapi chakra rantikusqayki qollqeta raki-kuykuspayki Chuya Espirituta llulla-kunaykipaqqa?

Romanos 12:6

Diosmi atiyta qowarqanchik imapas ruwananchikpaq. Chaytam qowanchik kuyawasqanchikman hina. Chaynaqa, sichum profetizananchikpaq qowaptinchikqa iñiyninchikman hinayá chaywan llamkasun,

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

1~Corintios 11:4

Sichum huk qari uman sukutasqa Diosta mañakunqa otaq profetizanqa, hinaspaqa umantam penqayman churan.

1~Corintios 13:8

Kuyakuyqa wiñaypaqmi, profeciakunam ichaqa tukunqa, mana reqsisqanchik rimaypi rimaykunapas tukunqam, yachaypas manañam kanqañachu.

1~Corintios 14:13

Chaynaqa, pipas mana yachasqan rimayta rimaspanqa Diostayá mañakuchun chay rimasqanta uyariqninkunaman interpretananpaq.

1~Corintios 14:39

Wawqe-panikuna, profetizaytayá aswanqa munaychik, amataqyá mana yachasqa rimaykunapi rimanankutaqa harkakuychikchu.

Gálatas 3:5

Diosmi Espiritunta qosunkichik hinaspa qamkuna ukupi milagrokunata ruwan, ¿imanasqataq kaykunata ruwan? Manam leyta kasukusqaykichikraykuchu, aswanqa Jesucristomanta uyarispa payman iñisqaykichikraykullam.

1~Tesalonicenses 5:20

Amataqyá profeciakunatapas despreciaychikchu.

Hebreos 2:4

Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.