1~Corintios 11:20 - CHUYA QELLQA La Biblia en Quechua de Ayacucho 2012

²⁰ Huñunakuspaykichikpas manañam Señorpa Cenanta mikunaykichikpaqñachu huñunakunkichik.

Quechua Ayacucho Bible 1987

²⁰ Huñunakuspa Santa Cenata tomaptikichikqa manañam Señorpa Santa Cenanñachu.

Chuya Qellqa 1992

²⁰ Huñunakuspaykichikpas manañam Señorpa Cenanta mikunaykichikpaqñachu huñunakunkichik.

1~Corintios 11:20 Iomraidhean Croise

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Zacarías 7:6

Mikuspaykichikpas upyaspaykichikpas, ¿manachum kikillaykichikpaq mikurqankichik hinaspa upyarqankichik?

Hechos 2:42

Paykunam apostolkunapa yachachikuyninpi takyarqaku, kapuqninkuwanmi yanapanakuqku, huk sonqollam tantatapas partenakuqku, Dios mañakuypipas hukllam karqaku.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

1~Corintios 11:17

Kayta qellqamuspayqa manam alabaykichikmanchu, huñunakuynikichik allin kananpaq kachkaptinmi mana allinllapaq huñunakunkichik.

1~Corintios 11:19

Arí, qamkunapiqa kananmi rakinakuykunaqa, chaynapi pikunam cheqap iñiqkuna kasqankuta yachanapaq.

1~Corintios 11:21

Santa Cena hora chayaramuptinmi sapakama mikuyta qallaykunkichik, wakiqnikichikñataqmi yarqaymanta kachkankichik, hukkunañataqmi sinkakuchkankichik.

Hebreos 10:25

Wakinkunapa costumbrenman hinaqa amayá huñunakuyman riytaqa saqesunchu, aswanqa Señorpa chaylla kutimunanta yachachkaspaqa kallpanchanakusunyá.

2~Pedro 2:13

pitapas ñakarichisqankuman hinam ñakarinqaku. Paykunaqa kusisqapaq hapikuspankum millakuypaq kaqkunata punchaw pacha ruwanku, fiestaykichikpipas qamkunawan kuska mikuspankum mana allinkunata ruwaspa kusikunku, paykunaqa penqakuypaq mana allin qanra runakunam.

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.