1~Corintios 10:32 - CHUYA QELLQA La Biblia en Quechua de Ayacucho 2012

³² Amayá judiokunatapas, mana judiokunatapas, nitaq Diospi iñiqkunatapas huchallichiychikchu.

Quechua Ayacucho Bible 1987

³² Amayá huchallichiychikchu judiokunatapas nitaq mana judiokunatapas nitaq Diospi iñiqkunatapas.

Chuya Qellqa 1992

³² Amayá judiokunatapas, mana judiokunatapas, nitaq Diospi iñiqkunatapas huchallichiychikchu.

1~Corintios 10:32 Iomraidhean Croise

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

Romanos 14:13

Chaynaqa, amañayá kikinchikpuraqa juzganakusunchu, aswanqa tanteakuychik ama wawqe-panikichikta urmachinaykipaq hinaspa iñiyninpi ama wichichinaykichikpaq.

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.

1~Corintios 10:33

Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.

1~Corintios 11:22

¿Manachu wasikichikpi imapas mikunaykichikpaq hinaspa tomanaykichikpaq kan? Chaynata ruwaspaqa Diospi iñiq-kunatam despreciachkankichik, chaynataqmi wakchakunata penqayman churachkankichik. ¿Imatataq nikichikman? ¿Alabaykichikmanchu? ¡Manam kaymantaqa alabaykichikmanchu!

1~Corintios 12:28

Diosmi iglesiapi puntata churarqa apostolkunata, iskay kaqpiñataq profetakunata, kimsa kaqpiñataq yachachiqkunata, chaymantañataq milagrokuna ruwaqkunata, onqoqkuna sanoyachiqkunata, yanapa-kuqkunata, imamantapas nanachikuqkunata hinaspa mana yachasqanchik rimaykuna rimaqkunata.

1~Corintios 15:9

Ñoqaqa llapallan apostolkunamantapas taksan kaqmi kani, ñoqaqa iñiqkunata ñakarichisqayraykum mana apostolwan sutichawanankupaq hinachu kani.

1~Corintios 7:17

Imayna kaspapas sapakamam Señorpa qosqanman hina kawsanan hinaspa sapakamata Diospa qayasqanman hina, chaynatam llapa iñiqkunaman kamachini.

1~Corintios 8:13

Sichum mikusqaywan wawqeyta huchallichinay kaptinqa, manachá haykapipas aychata mikusaqchu, chaynapi wawqeyta mana huchallichinaypaq.

2~Corintios 1:1

Diospa munayninman hina Jesu-cristopa apostolnin ñoqa Pablom, wawqenchik Timoteopiwan, Corinto llaqtapi Diospa iglesiaman hinaspa Acaya lawpi kaq iñiqkunaman qellqa-muykiku.

2~Corintios 6:3

Imapas ruwasqaykuwanqa manam pitapas urmachiyta munanikuchu, chaynapi llamkasqayku mana penqaypi kananpaq.

Gálatas 1:13

Qamkunaqa uyarirqankichikchá judiokunapa yachachikuyninta kasu-kuspay ñawpaqta imaynam kawsas-qayta. Chaynataq Diospa iglesianku-nata imaynam qatikachaspay chinkachiy munasqaytapas.

Filipenses 1:10

chaynapi allin kaqkunata reqsinaykichikpaq, chaymi Jesucristopa kutimunan punchawpaq mana huchayuq hinaspa mana pitapas urmachiq kankichik.

Filipenses 3:6

Creesqaykuna cheqappuni kasqanta hapispaymi, Jesucristoman iñiqkunata ñakarichinaypaq qatikacharqani; leyta cumplispaymi mana huchayuq hina kawsarqani.

1~Tesalonicenses 2:14

Wawqe-paniykuna, qamkunaqa Cristo Jesuspi iñiq Judeapi kaq Diospa iglesianpa ejemplontam qatichkankichik, paykunatam judiokuna ñakarichirqaku, chaynam qamkunatapas llaqtamasikichikkuna ñakarichisurqankichik.

1~Timoteo 3:15

sichum unaramuptiyqa yachaytaqyá imaynam Diospi iñiqkunapa qayllanpi allin kawsayta. Paykunaqa kawsaq Diospa wasin hinam kachkanku, wasipa pilarnin hina kaspankum cheqap kaqta takyachichkanku.

1~Timoteo 3:5

Wasinpipuni kamachikuyta mana atichkaspaqa ¿imaynataq Diospa iglesiantaqa nanachikunman?

Rutwan Sutichasqa Libro 3:14

Boozpa haytananpi puñusqanmantam Rutqa manaraq runa reqsiy horata hatarirurqa; chaynataqa ruwarqa Boozpa: “Amam pipas yachanqachu eraman warmi hamusqanta, nisqanraykum”.