1~Corintios 10:31 - CHUYA QELLQA La Biblia en Quechua de Ayacucho 2012

³¹ Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

Quechua Ayacucho Bible 1987

³¹ Mikuspapas tomaspapas otaq huk rikchaqta ruraspapas llapantayá ruraychik Dios honrasqa kananpaq.

Chuya Qellqa 1992

³¹ Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

1~Corintios 10:31 Iomraidhean Croise

Zacarías 14:21

Jerusalenpi hinaspa Judá nacionpi llapa mankakunapas Tayta Diospaq sapaqchasqam kanqa, chaynapim sacrificiota ruwaq hamuqkunapas chay mankakunata hapispa ofrecespanku aychata yanunqaku. Chay punchawpiqa, Tukuy Atiyniyuq Tayta Diospa templonpi negociantekunapas manañam kanqañachu.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

1~Corintios 7:34

Casada warmiqa manam soltera warmi hinachu, soltera warmiqa Señorpa kaqninkunapim ocupakun cuerponpiwan espiritunpi Diospaq sapaqchasqa kananpaq. Casada warmiñataqmi ocupakun kay pachapi kaqkunamanta chaynapi qosanta agradananpaq.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

Colosenses 3:23

Tukuy imatapas ruwaspaykichikqa Señorninchikpaq ruwachkaq hinayá ruwaychik, amayá runapaq hinachu.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.