1~Corintios 10:23 - CHUYA QELLQA La Biblia en Quechua de Ayacucho 2012

²³ Tukuy ima munasqaytaqa ruwaymanmi, ichaqa manam lliwchu allinniypaq kanman. Tukuy imatam ruwachwan, ichaqa manam lliwchu wiñachikun.

Quechua Ayacucho Bible 1987

²³ Ruraymanmi tukuy ima munasqaytaqa ichaqa manam lliwchu allin. Manam lliwchu allinninchikpaq. Tukuy munasqaytam rurayman ichaqa manam lliwchu espiritupi wiñachikun.

Chuya Qellqa 1992

²³ Tukuy ima munasqaytaqa ruwaymanmi, ichaqa manam lliwchu allinniypaq kanman. Tukuy imatam ruwachwan, ichaqa manam lliwchu wiñachikun.

1~Corintios 10:23 Iomraidhean Croise

Romanos 14:15

Sichum imapas mikusqaykiwan wawqekita hukmanyachinki, hinaspaqa manañam kuyachkankiñachu. Amayá imapas mikusqaykiwanqa pipas huchaman wichiykunantaqa munaychu, paypaqpas Cristom wañupurqa.

1~Corintios 14:12

Chaynaqa, qamkunapas Diospa atiyninta aswan más chaskiyta munaspaqa, llapanmanta llalliqtaqa iñiqkuna wiñachiytayá maskaychik.

1~Corintios 14:17

Cheqaptam qamqa allinta Diosman graciasta qonki, huknikim ichaqa mana wiñanchu.

1~Corintios 14:26

Chaynaqa, wawqe-panillaykuna, huñunakuptikichikqa wakinmi takin-manku, wakinñataq yachachinmanku, wa-kinñataq Diospa revelasqanta willa-kunmanku, wakinñataq mana yachasqa rimayta rimanmanku, wakinñataq chay rimasqanta interpretanmanku. Tukuy kaykunatayá ruwaychik llapa iñiqkuna wiñananpaq.

1~Corintios 6:12

Ruwaymanmi tukuy ima munasqayta, ichaqa manam lliwchu allin. Tukuy munasqaytam ruwayman ichaqa manam chay munasqaykunapa munaychakuruwananta saqekusaqchu.

1~Corintios 8:1

Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

1~Corintios 8:9

Ichaqa waqaychakuychik, yanqataq libre kaynikichik huchallichinman pisi iñiyniyuq kaqkunata.

2~Corintios 12:19

Kuyasqay wawqe-panillaykuna, ¿ichapas yuyaymanachkankichik ñoqaykuqa qayllaykichikpi pampachakuy mañakusqaykuta? Ñoqaykuqa Diospa qayllanpim Cristopa sutinpi rimachkaniku, tukuy chay rimasqaykuqa iñiynikichikpi wiña-naykichikpaqmi.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

1~Tesalonicenses 5:11

Chaynaqa, kunan ruwasqaykichikpi hinayá kallpanchanakuychik hinaspa yanapanakuychik.

1~Timoteo 1:4

Amataqyá kasuchunkuchu cuentokunatapas nitaq ñawpaq taytakunapa sutinmanta manaña tukuy atina listatapas, chaykunaqa atipanakuykunallatam hatarichin, Diospa ruwayninkunapiqa manataqmi imapipas yanapakunchu, chay munayninkunataqa iñiyllawanmi reqsinchik.