1~Corintios 10:22 - CHUYA QELLQA La Biblia en Quechua de Ayacucho 2012

²² ¿Señortachu piñachisun? ¿Paymanta aswan kallpayuqchu kanchik?

Quechua Ayacucho Bible 1987

²² ¿Señortachu piñachisun? ¿Paymanta aswan kallpayoqchu kanchik?

Chuya Qellqa 1992

²² ¿Señortachu piñachisun? ¿Paymanta aswan kallpayuqchu kanchik?

1~Corintios 10:22 Iomraidhean Croise

1~Reyes 14:22

Judá runakunam Tayta Diospa qayllanpi mana allinkunata ruwarqaku, ñawpaq taytankupa huchallikusqankumantapas aswantaraq huchallikuspankum Tayta Diosta piñachirqaku.

Jobwan Sutichasqa Libro 9:4

Diosqa llumpay atiyniyuqmi, payqa ancha yachayniyuqmi ¿Pitaq paywan kutipanakuspan allin lloqsirunman?

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Eclesiastés 6:10

Kunan kaqkunaqa ñawpaqmantaraqmi sutichasqaña karqa, runapa imaynam kasqanpas ñam yachasqaña karqa. Manam pipas peleanmanchu paymanta aswan atiyniyuqwanqa.

Isaías 45:9

Huk allpa mankaqa, manam ruwaqninta kutipanmanchu. Mituqa manam manka ruwaqta ninmanchu: “¿Imatataq ñoqata ruwawachkanki?” nispaqa. Allpa mankaqa manam ruwaqninta ninmanchu: “Qamqa manam llamkayta yachankichu”, nispaqa.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 7:19

Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Ezequiel 22:14

Castigasqay punchawqa manam imayna kutipawaytapas atinkichu. Ñoqa Tayta Diosqa imam rimasqaytaqa cumplisaqpunim.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Deuteronomio 6:15

Qamkunawan kaq Señornikichik Tayta Diosqa paylla kuyanata munaqmi, mana chayqa con-traykichikpi piñakuspanmi kay pacha-manta pasaypaqta chinkarachisunki-chikman.

Hebreos 10:31

¡Mayna mancharikuypaqmi kawsaq Diospa makinman wichiykuyqa!

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.