1~Corintios 10:13 - CHUYA QELLQA La Biblia en Quechua de Ayacucho 2012

¹³ Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

Quechua Ayacucho Bible 1987

¹³ Tentasqa kasqaykichikqa manam maschu wakinkunapa tentasqa kasqanmantaqa. Ichaqa Diosmi confiakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi vencenaykichikpaq kaqta qosunkichik chaynapi aguantanaykichikpaq.

Chuya Qellqa 1992

¹³ Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

1~Corintios 10:13 Iomraidhean Croise

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Isaías 11:5

Allinkuna ruwayninmi kanqa wasan watakun hina, mana pantaq kayninmi kanqa weqaw watakun hina.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Jeremías 12:5

Sichum chakiwallawan kallpaqkunawan kallpaspa pisipachkaspaqa, ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa, ¿imaynatataq Jordán mayupa patan montekunapiqa tarikuwaq?

Jeremías 29:11

Qam-kunapa allinnikichikpaq imam ruway munasqaytaqa sumaqtam yachani. Qamkunapa allinnikichiktam tanteachkani, manam mana allinnikichiktachu, chaynapi hamuq punchawkunapi hawka kawsakunaykichikpaq. Ñoqa Tayta Diosmi chaynata nini.

Lamentaciones 3:23

Paypa kuyapayakuyninqa sapa tutapaytam musoqlla, mayna hatunmi cheqap kayninpas, nispa.

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Oseas 2:20

Manaña rakinakunapaq casaraptiymi Dios kasqayta riqsiwanki.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Lucas 11:4

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina. Amayá tentacionmanqa kachaykuwaykuchu, mana allinmantayá hurqoykuwayku, nispa.

Lucas 16:26

Chaywanpas qamkunatawan ñoqaykutaqa uku-uku wayqom rakiwachkanchik, chaynapim kaymanta chaylawman chimpayta munaspapas mana atinmankuchu, nitaqmi chaymanta kawlawmanpas atimunmankuchu”, nispa.

Lucas 22:46

Chaymi paykunata nirqa: ¿Imanasqataq puñuchkankichik? Hatariychik, Diosta mañakuychik tentacionman ama wichinaykichikpaq, nispa.

Hechos 27:44

chaynapi wakinñataq tablakunapi otaq barcopa imankunamanpas hapipakuspa lloqsinankupaq. Chaynapim patanman allinlla lliwchanku chayarurqaku.

1~Corintios 1:9

Diosqa prometesqantaqa cumplinmi, payqa Churin Señorninchik Jesucristowan huklla kanaykichikpaqmi qayasurqankichik.

2~Corintios 1:10

Wañuymantapas Diosmi librawarqaku, paytaqmi qepatapas librawanqaku. Confiakuchkanikutaqmi hamuq punchawkunapipas librawanankuta.

Deuteronomio 7:9

Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

1~Tesalonicenses 5:24

Qayasuq-nikichikqa confiakunapaqmi, chayraykum payqa kaykunata ruwan.

2~Tesalonicenses 3:3

Señorqa hapipakunapaqmi, paymi allinta takya-chispa mana allinkunamanta waqay-chasunkichik.

2~Timoteo 4:18

Paymi llapa mana allin ruwaymantapas libraykuwanqa, hinaspam hanaq pachapi munaychakusqanpaq waqaychawanqa. ¡Paytaqyá wiña-wiñaypaq hatunchasqa kachun! Amén.

Hebreos 10:23

Ama maylawmanpas muyuspayá imam iñisqanchikpi takyasunchik, Diosqa imam prometewasqanchiktaqa cumplinqapunim.

Hebreos 11:11

Chay iñiyllawanmi Sarapas qolluq kachkaspan Diosmanta kallpata chas-kispa wiksayakuruspan yuyaq kaynin-piña wachakururqa. Iñirqam pro-meteqnin Diosqa confiakunapaq kas-qanta.

Hebreos 12:4

Huchapa contranpi peleaspaykichikqa, manaraqmi yawarnikichiktaqa chaqchurqanchikraqchu.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

1~Pedro 4:19

Chaynaqa, Diospa munayninman hina ñakariqkunaqa allin kaqkunata ruwaspayá confiakuna unanchakuq Diospa makinman almankuta churachunku.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 3:10

Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

1~Samuel 29:10

Chaynaqa, David, soldadoykikunapiwan kuska paqarin tutapayta kutikuychik, nispa.