1~Corintios 1:30 - CHUYA QELLQA La Biblia en Quechua de Ayacucho 2012

³⁰ Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

Quechua Ayacucho Bible 1987

³⁰ Ichaqa qamkunataqa Diospunim hukllawasurqankichik Cristo Jesuswan, paytam churarqa yachayninchik hina kananpaq, payrayku mana huchayoq kananchikpaq, paypa chuyanchasqan kananchikpaq hinaspa paypa librasqan kananchikpaq.

Chuya Qellqa 1992

³⁰ Ichaqa qamkunataqa Diospunim Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 1:30 Iomraidhean Croise

Proverbios 1:20

Yachaymi callekunapi qayakun, plazakunapim hatunmanta qaparin.

Proverbios 2:6

Tayta Diosllam yachay qokuqqa, paypa siminmantam yachayqa hamun.

Proverbios 8:5

Pisi yuyayniyuq jovenkuna, yuyayniyuq kayta yachaychik; mana tanteoyuqkuna, allin tanteakuq kayta yachaychik.

Isaías 11:2

Paymanmi Espiritunwan Tayta Dios huntaykunqa: Yuyayniyuq chaynataq yachayniyuq Espiritunwan, atiyniyuq chaynataq allin consejakuq Espiritunwan, yachayniyuq chaynataq Diosta kasukuq Espiritunwan.

Isaías 45:17

Tayta Diosmi ichaqa Israel llaqtanta wiñaypaq salvanqa, manañam penqaypaqñachu kankichik, nitaqmi pipas usuchisunkichikñachu.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 33:16

Paypa punchawninkunapim Judá nación salvasqa kanqa, Jerusalén llaqtapas hawkam kawsakunqa. Chayraykum sutichanqaku: Tayta Diosmi vencechiwaqninchikqa, nispanku.

Daniel 2:20

kaynata yupaycharqa: Wiñaymanta wiñaykama Diospa sutin bendecisqa kachun. Paymantam hamun tukuy yachaykunapas, paymantataqmi hamun tukuy atiypas.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Lucas 11:49

Chayraykum Diosqa yachayninpi nir-qaña: “Profetakunatawan apostolkunatam kachasaq, wakintam wañuchinqa-ku wakintañataqmi qatikachanqaku”, nispa.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 17:26

Yachachirqanim pim kasqaykita, chaywanpas hinallaraqmi yachachisaq, chaynapi kuyawasqaykiman hina paykunapas kuyanakunankupaq chaynataq ñoqapas paykunapi kanaypaq, nispa.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 11:36

Tukuy imapas Diosmantam hamun, pay kaptinmi, paypaqtaqmi tukuy imapas kachkan. Payllayá wiña-wiñaypaq qapaqchasqa kachun. Amén.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

Romanos 16:11

Judiomasiy Herodiontapas chaynataq Narcisopa wasinpi Señorninchikman iñikuqkunatapas.

Romanos 16:7

Llaqtamasiy Andro-nicotawan Juniastapas rimaykapuwaychik, paykunaqa ñoqamanta puntataraqmi iñikurqaku, ñoqawan kuskataqmi presopas karqaku. Paykunaqa ancha reqsisqa apostolkunam karqaku.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

Romanos 4:6

Davidmi rimarqa imatapas mana ruwachkaptillan mana huchayuqpaqña Diospa chaskisqan kusikuyniyuq runamanta.

Romanos 5:19

Imaynam chullalla runapa mana kasukusqanwan achkallaña runakuna huchasapa rikurirurqaku, chaynam chullalla runapa kasukusqanwanpas achkallaña runakuna mana huchayuqña rikurinqaku.

Romanos 5:21

Imaynam huchaqa wañuyta aparamuspan munaychakurqa, chaynam Diospa kuyakuyninpas mana huchayuqtaña ruwawaspanchik munaychakurqa, Jesucristontakama wiñay kawsakuyta qowaspanchik.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

Romanos 8:23

Ichaqa manam payllachu, ñoqanchikpas Chuya Espirituta chaskichkaspapas chaynatam ñakarichkanchik. Sonqonchikpi waqaspam suyachkanchik Diospa churichakuykuwananchik punchawta, chay punchawpim cuerponchikta libraykunqa.

Romanos 8:9

Qamkunam ichaqa mana aychaman hinañachu kawsankichik, aswanqa Espirituman hinañam, qamkunapi Diospa Espiritun kasqanrayku. Sichum runapi Cristopa Espiritun mana kaptinqa manam Cristopachu.

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.

1~Corintios 1:24

Diospa qayasqakunapaqmi ichaqa judío kaptinpas, mana judío kaptinpas, Cristoqa Diospa atiyninwan hinaspa Diospa yachaynin.

1~Corintios 12:18

Chaynaqa, Diosmi cuerpopa partenkunataqa maymi munasqan sitiopi churarqa.

1~Corintios 12:27

Qamkunaqa Cristopa cuerponmi kankichik, sapakamam chay cuerpopa parten kankichik.

1~Corintios 12:8

Espirituntakamam wakinman atiyta qon yachaywan rima-nanpaq, wakinmanñataq yuyaywan rima-nanpaq.

1~Corintios 4:15

Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesus-manta allin noticiata willaspa payman iñichisqayraykum ñoqaqa taytaykichik hina kani.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

2~Corintios 12:2

Reqsinim Cristopi iñiq huk runata, paymi chunka tawayuq wata qepata kimsa kaq cieloman apasqa karqa. Ichaqa cuerpopichuch otaq espiritupichuch apasqa kanman karqa, manam chaytaqa yachanichu; Diosllam chaytaqa yachan.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Efesios 1:10

Chaykunapi ruwananpaq tiempo chayaramuptinmi kay pachapi kaqkunatapas chaynataq hanaq pachapi kaqkunatapas llapallanta Dios hukllawanqa, chaykunata munaychakunanpaqmi Cristota churanqa.

Efesios 1:14

Chuya Espirituqa herencia chaskinanchiktam garantizan llapallan rantisqankunata Dios libranankama, chaynapi hatun sumaq kancharichkaq kayninmanta yupay-chananchikpaq.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

Efesios 5:26

Kaytaqa ruwarqa haykam iñiqkunata chuyanchananpaqmi hinaspa yakuwan mayllachkaq hina palabranwan mayllananpaqmi.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

Colosenses 1:14

Paypa wañusqallanwanmi huchanchikkunamanta pampachaykuspa libraykuwarqanchik.

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

1~Tesalonicenses 5:23

Hawkayay qokuq kikin Diosnin-chikyá espirituykichikta, almaykichik-ta hinaspa cuerpoykichikta lliwta chuyanchachun, mana huchayuqta-ñayá waqaychasunkichik Señorninchik Jesucristo hamunankama.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 9:12

Cristom “Chuyay-chuyay” lugarman huk kutillata yaykurqa, payqa yaykurqa manam chivatokunapa nitaq malta torokunapa yawarninta ofrecenanpaqchu, aswanqa kikinpa yawarninta ofrece-nanpaqmi. Chaynata ruwaspanmi salvacionta wiñaypaq rantipuwarqanchik.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

1~Juan 5:6

Jesucristo kay pachaman hamuspanqa yakuwanmi bautizachikurqa hinaspam wañuspan yawarninta chaqchurqa. Jesucristo pim kasqantaqa yachanchik manam bautizakusqallanwanchu, aswanqa wañusqanpiwanmi. Chaytaqa kikin Espiritum yachachiwanchik. Payqa manam llullakunchu.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.