1~Corintios 1:27 - CHUYA QELLQA La Biblia en Quechua de Ayacucho 2012

²⁷ Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

Quechua Ayacucho Bible 1987

²⁷ Aswanqa Diosmi akllarqa kay pachapi mana yachayniyoqkunata chaynapi yachayniyoqkunata penqachinanpaq. Diosqa akllarqa kay pachapi mana atiyniyoqkunatam chaynapi atiyniyoqkunata penqachinanpaq.

Chuya Qellqa 1992

²⁷ Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

1~Corintios 1:27 Iomraidhean Croise

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 44:25

Pantay profetakunapa nisqantam yanqachani, qatipaqkunatapas penqaymanmi churani; yachaysapapa yuyaymanaynintam roqruyachini, yachaysapapa yachaynintam waspichini.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Sofonías 3:12

Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Números 22:30

Hinaptinmi Balaamta asnon nirqa: ¿Manachum ñoqaqa asnoyki kani? Ñoqaqa sillakunayki asnoykim kani, unayñam ñoqaqa apaykachayki manam huk kutillatapas kaynataqa ruwarqaykichu, nispa. Hinaptinmi Balaam nirqa: Arí chaynam, nispa.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 21:16

Hinaspam Jesusta nirqaku: ¿Uyarichkankichu kaykunapa nisqanta? nispanku. Jesusñataqmi nirqa: Arí, uyarichkanim. ¿Manachu Qellqapi leerqankichik: “Llapa warmakunawan ñuñuq wawakunam yupaychasunki” nisqanta? nispa.

Mateo 9:9

Chaymanta pasaspanmi Mateota Jesús rikururqa, Romapaq impuesto cobrananpi tiyachkaqta, hinaspam nirqa: Qatiway, nispan. Hinaptinmi Mateoqa hatarispan paywan pasakurqa.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 7:35

Kay Moisestam paykuna qepanchaspanku kaynata nirqaku: “¿Pitaq qamtaqa ñoqaykupa kamachiqniyku hinaspa juezniyku kanaykipaq churasurqanki?” nispanku. Ichaqa Diosmi payta kacharqa kamachiqninku hinaspa libraqninku kananpaq tankar kichkapi rikuriqnin angelnintakama.

Hechos 7:54

Chayta uyariykuspankum llumpayta piñakuspanku Estebanpa contranpi kirunkutapas kirichichirqakuraq.

1~Corintios 1:20

¿Maypitaq yachaysapa kachkan? ¿Maypitaq Diospa leynin yachachiq kachkan? ¿Maypitaq kay pachapi kaqkunamanta rimaq kachkan? Diosmi kay pachapi runakunapa yachayninta yanqacharun.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 2:12

Ñoqanchikpas manam kay pachapi espiritutachu chaskirqanchik, aswan-qa Diosmanta hamuq Espirituntam, chaynapi Diospa kuyakuyninman hina qowasqanchikta yachananchikpaq.

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

2~Corintios 4:7

Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.